همـا وبـل الغـرام وهلّـت مزونـه علـى الولـهـان
ودارت فـي حنايـا القلـب صرخـة حــب مجنـونـه
سقـت قطراتـه العذبـة خفـوق العـاشـق الظمـيـان
ألا لبـيـه يــا بـحـر الـغـرام وقـطـرة مـزونـه
أنا مالـي وطـن واحـد أنـا لـي فـي غـلاه أوطـان
خفوقه ,, ضحكته ,, دمعه ,, ضلوعه ,, وأسكن عيونه !!
حبيبي لـو طلـب روحـي تجيـه ومـا طلبـت أثمـان
غلاته ديـن فـي قلبـي ,, وألا يـا مـا اكثـر ديونـه
علـيّ أنّـي أحبـه وأعشقـه وأغليـه مهـمـا كــان
وعلـيّ أنـي أمـوت لشوفـتـه ورضــاه وأصـونـه
وعليه أنه يـداري خاطـري كنّـي ( غصيـن البـان )
وعليـه أنـه يقـدّر لهفـتـي مــا دمــت مفتـونـه
كـذا نبقـى حبـايـب ,, نقـهـر الـعـذّال والـخـلان
نصـون الحـب مـا نرضـى نـذّل الـحـب ونخـونـه
ألا وش قيمة ( أهل الحاشية ) في حضـرة ( السلطـان )
حبيبـي لا حضـر حـرّك شعـور القـلـب وشجـونـه
أنـا قلبـي ( سفينـة ) والحبيـب بوسطهـا (الربّـان )
وإلى من غاب مـا تمشـي السفينـة يـوم مـن دونـه
غلاتـه سـوّت بقلبـي سـوات اللـي سكنـه الـجـان
تمكّـن حبّـه بقلبـي وصــرت الـيـوم مسكـونـه !!
أحاسيـس الغـلا يمـه تزيـد و مـا بـهـا نقـصـان
سطـى حبـه علـى قلـبـي وبـيـح كــل مكنـونـه
تمكّن في الضمير ,, وفي الوريـد ,, وداخـل الشريـان
وسكن في أصغر خلايـا العقـل ومخـوّي علـى ظنونـه
وإلى منـي بغيـت أكتـب قصيـدي ,, يسكـن الأوزان
يسامرنـي وأنـا أكتـب لـه قصيـدي وأبـدع لحونـه
أنا أدري به حبيبي .. ( في هـواي العاشـق الولهـان)
وهو يدري بـي أحبـه وفيـه أصبحـت ( مجنونـه )!!


دمعـه المجروح مبدع كالعاده

تقبل تحيـــــــــــــاتى

هبهــــــــــوبه