المعذرهـ هذهـ القصيدهـ لاتوجه لجميع الرجال إنما تكون لأشباه الرجال.


تصيح تقول يا(حرمه)،تحسب إنك تعايرنـي!!
شنبك اللي تفاخربه..ترى اللي جابته حرمـه

تصدق كذبتك دايم ،، مبـادئ حيـل تقهرنـي
(نقص عقلك مع دينك)،،ترى مليت هالكلمـه

ياجاهل فتح عيونك..ياويلك لـو تصاغرنـي
غضب،،تهديد،،وإستلمّه..وسمّه اللي تبي سمّه

أنا مليت من ظلمك يا(آدم) وش تصورنـي!!
أذا إني ناقصه بعينك،،وداعي منتهي الحكمـه

تراني ساكته بكيفـي ،، نصيحـه لاتفجرنـي
غضب شيطان ماميز ،،مابين الخال والعمـه

عيوبي طيبتي وقلبي..حنان وشوق يجبرنـي
علي عكـس تجي قاسي وكلن راضي بسلمـه

حسافه وقتي الفايت،،تذكّـر يـوم تِسهِرنـي
على قولة انا عاشق وحبك صابنـي سهمّـه

تذكّر يوم لي تركض ،، تقول يازيـن آمرنـي
على سنة رسول الله أشيـل الحمـل وآزمّـه

فرحت وقلت هذا اللي أبي في ظلّـه يسترنـي
اذا ضاقت بي الدنيا،، مسـح دمعاتـي بكمـه

ابي انسى به الدنيا وابـي بالحـب يشعرنـي
ابيه يكون لي فرحـه اذا زاد الزمـن همـه

لكن للاسف غلطـه وهـم كـذاب ساورنـي
جزاتي والثمن عمري..وقتلت بخافقي حلمه!


اعجبتني وحبيت انقلها ويبدو إن صاحبتها كانت مقهورهـ بس عرفت تاخذ حقها بعد هالقصيدهـ الرائعه

اطلالهـ
لا اختلف
في ايقاعها
بيد انى اختلف في مضمونها
تحديدا

فليس
كـــــل نقل يدار


شكرا
لكـ طال عمركـ

كلمــات لهــا متســع مـن المعانــي،،

غــزل شكــرا لكــ على النقـــل،،

فكثيــر مــن الحريمــ اللــه يعينهــن مقهورات مـن بعض الرجــال،،


يعطيكــ العافيــة على النقـــل،،

تحياتى لكـ،،

الفيصل & الليالي

نورتم الصفحه بتواجدكم الرائع لا خلا ولاعدم حبايبي..

الفيصل للأسف بعض مضمون القصيدهـ موجود على أرض الواقع ومثل ماقالت الليالي ياكثر المقهورات من رجالهن...

طبعاً هذه القصيدهـ لاتعمم على جميع الرجال إنما فقط لأشباهـ الرجال.!!