[من بنات اليوم تسمع كـم حكايـة او حماقـه
والعجيب انه تنـادي للمسـاواة فـي الحقـوق
شغلها الشاغـل حلاهـا بالمظاهـر والاناقـة
وكيف تجعل كل هايـم فـي معاليهـا يتـوق
لو تصوم الدهر كله لأجـل توصـل للرشاقـه
غرّها شكل النحافه يـوم تحلـف مـا تـذوق
عندها المحمول يبغى كاميـرا فـوق البطاقـه
والثياب اللـي عليهـا زاهيـه مثـل البـروق
لـو يناديهـا ابوهـا مـا تـرد الا بلبـاقـه
وش تبي قلّي وحدّك .... لا تعصّب وانت ذوق
صوتها الشّاجي تعلّـم امهـا معنـى الرواقـه
وما تفكّر مره وحـده فـي عنـاده والعقـوق
اختهـا والا اخوهـا كلهـم لأجـل الصداقـه
والحذر لو كنت صاحب وانت آمـل بالوثـوق
ساهره طـول الليالـي للعنـا تطعـم مذاقـه
وخوفها صوت الحبايب يختفي قبـل الشـروق
تشتكـي ان الدراسـه مالهـا بالحيـل طاقـه
وان منهجهـم تغيّـر والمعلّـم مـو خـلـوق
لـو تناقشهـا بقضيـه يتضـح انـه معاقـه
تحلـم بدنيـا غريبـه مـا تبالـي بالفسـوق
شرعهـا مـا يـوم يمنـع التبـرج والعلاقـه
المهم اللي يخـاوي صـادقٍ فيهـا وصـدوق
البنات اليوم تحكي كـل قصـه فـي طلاقـه
ما تفكّر باللي آتـي والا تحسـب للـي فـوق
يـوم تنصحهـا تقلّـك خلّنـي اسـأل رفاقـه
لأجل تعرف هي وشايه والا وحي من الخفوق
والا تشكي ظلم خاين والا تبكـي مـن فراقـه
ويوم يلقاهـا تقلّـه يـا حبيبـي كلـي شـوق

صح لسانك

يعطيك العافيه اخوي بوي ستايل

بنتظار جديدك

طاااااال

تسلم وصح الله اللسانك....
والحمد الله ان هذا الشي نادر في بناتنا ولو انه بدا ينتشر لكــــــن
الأصيله تضل أصيله مهما غيرتها الحياة والدروب...





تحياااااتي

لا عدمناك ياسيدي فأنت أسعتني بهذه التحفة المميزة تقبل تحياتي وننتظر الجديد دائماً أخي.