ذكريات أيـام الدراسة ( المرحلة الابتدائية )

أيام الدراسة. أحلا أيام مرت علينا.فيها مغامرات لاتنسى.
فيها تمرمطنا وتهزئنا وأنطقينا...
( الفلكة - قلم أو طبشورة بين أصبعين والضم عليها
شد شعر الزلف ( السوالف ) – ضرب بالعصا على ظهر يدك
أرفع يدينك فوق ورجل وحدة مرفوعة – أرفع الكرسي وأرفع يدينك بقوة فوق
ضرب بالعقال ( خاص بالمدير فقط ) – تمحيط بسلك تلفزيون ( للمدرسين القدامي فقط )
طبعا كل هذه الاساليب أنقرضت من عام 1410هـ واللي مالحقها يحمد ربه أن أمه
ماولدته قبل هالعام والا كان موسم في كل مكان بجسمه والناقه أهون منه بالتوسيم
أساليب عايشناها من نعومه أظافرنا حتى تعودنا عليها مع مرور الزمن واللي في أمه خير
يروح يشتكي على المدرس عن أبوه. تلقى الاب يجيلك ثاني يوم للمدرس ويقوله أدبه
أكثر ولك اللحم ولنا العظم. والمدرس مايكذب خبر أخذ الضوء الاخضر وشوف العذاب
( اَاَاَاَكولك يازلمه أنتا شو مابتفهم أبوك كالي أدبك ) مدرس فلسطيني ما انساه أبد
كانت حصته فلم رعب بحد ذاتها - الله يرحم شيابنا ويغمد روحهم الجنة شديدين أول.

طبعا مع مرور أيام العذاب قصدي الدراسة تعودنا على هالامور الين تمردنا
وسوينا انقلاب على أي مدرس ( عقب ماتعودت جلودنا على التعذيب )
وظهر مايسمى بتنظيم ( العرابجة )

أيام الابتدائية:
في هذه الفترة كنا يهال (أطفال - وغدان – ورعان – بزران – نما )
>>> ابن أمه يبجيب مثل هالمعاني
وشاء القدر أن أكون عضو في مجموعة تسمى عيال الدرعية أثناء وجودي ب********
طبعا كان فيه أكثر من مجموعة ( الدرعية – العصارات – أفريقيا )
وهذول هم الاشهر بين مجموعات العرابجة ذات الصيت
وكان فيه تنظيمات او بالاصح أقليات مرتزقة بس هذول مالهم ذكر ولا أي تاريخ
يشهدلهم بأفعالهم سواء بالفزعات أو الهوشات أو حتى بالاجرام والتفحيط .

كنا أول مانجي المدرسة لازم نروح بوفية قديمة مقابل مدرسة جابر بن حيان الابتدائية
اللي هي الوطن الام لعرابجة حارة الدرعية. طبعا البوفية المعنية يوجد مكانها
حاليا بوفية دنيا الهنا ( قايد و حمود ) وهذول كانوا قبل عند مدرسة الزبير بالصبيخة
من شهرتهم كنا نروح لهم كعابي بعز الشمس والحر

مثل ماذكرت لازم العربجي قبل مايدخل المدرسة يمر يأخذ ساندويش كبده أو كلاوي
أو بيض مقلي (المسلوق ماكان له سوق أبد ) ويشرب كوكا-كا القديمة
مو كوكا كولا الجديدة
ويتكي بالبوفية حتى يبدأ الطابور وبعد ماتبدأ التمارين الصباحية يدخل المدرسة
بتسحيب رجول لانها رمز من رموز العربجة لازم الكل يسمع تسحيب النعال
ولازم تكون تيربو أو زبيرية برتقالية. طبعا المقصد يتأخر عشان يثبت للطلاب
مايهمه احد من المدرسين ولا المدير بكبره. وأكبر سعادة عنده لما الطلاب يمرون
ويناظرونه صافط عند الجدار ويسلمون عليه ويحيونه على مايقوم به من فعل.


أثناء الفسحة:
كان في المدرسة فناء كبير حيل وطبعا مافيه صبات اسمنتية بالارض
كانت عبارة عن تراب الله يعزكم وفي اخر المدرسة كانوا يسوون عشش
من الواح خشبية يجيبونها بالليل ويحطونها عند الجدار الفاصل بين مدرسة جابر بن حيان
والمغيره بن شعبه المتوسطة لان كان فيه فتحه بالجدار مسوينها العرابجة
عشان يهربون من المدرسة أو يدخلون منها اذا كان باب المدرسة مقفل الصباح.
طبعا في هذه العشش يكون التخطيط والترتيب شنو يبون يسوون اليومد
سواء بالمدرسة أو خارج المدرسة. فضلا عن التدخين بالعشه والفطور فيها.
وخش الكتب المدرسية فيها بعد.

وغالبا ماتكون نتائج الاجتماع في هذه العشه التخطيط لهوشه في ( حوطه بطي )
حوطه بطي او ملعب بطي: أرض فضاء تقام بها كل الهوشات سواء للابتدائية
أو المتوسطة او الثانوية وتشتهر بموقعها بالمنتصف بين ثلاث مدارس على شارع عام.

ونسيت نقطة مهمه أثناء الفسحة وبالتحديد عند المقصف
طبعا أنواع الزحمة وذا يرقى فوق هذا وذالك يصرخ عند أذنك بيبسي وزعتر او بيبسي وجبن
والخكري اللي يطلب سبانخ و ميرندا راحت عليه لو دروا عنه العرابجة.
طبعا الحق يقال ماعمري سويت هالحركة بس أشوفها بعيني لما ربعي يسوونها
الا وهي سرقة فلوس الطلاب وقت ماهم رافعين يدينهم عشان يعطون الهندي حق الفطور
يعني الواحد يمد يده بالفلوس مع هالزحمة وبقدرت قادر مايلقى شيئ بيده
كيف شلون هذه خفت يد كان يشتهر فيها أحد العرابجة اللي الله هداهم الان لسبيله
يعني أغسل يدك مع هالزحمة فلوس فطورك ماتنسرق الا اذا كانوا غائبين عن المدرسة

أيام الاختبارات:
طبعا أيام الاختبارات انسى انك تطلع من الفصل عشان تقول بروح حمام
والا عطشان أبي ماي.
فكانت الادارة الله يعطيهم العافية موفرة لنا عامل هندي طبعا هذا العامل
هو الفراش وهو اللي يبيع بالمقصف هو القهوجي على قولت المصريين بتاع كلوا
كان هذا الهندي يدور على الفصول معاه صطل ( طشت ) متروس ماي.
وبيده قلاسين واحد حديد مصدي محلي والثاني بلاستيك من كثر البياض صار أصفر
ويلا يغطس الهندي يده بالصطل ويعبئ القلاس ماي ويدور على الطلاب
طبعا مايحتاج أكمل شنو فيه الصطل من وصاخة وقذارة
بس الادارة ماقصرت ماتبي تتعبنا.

مقتطفات من أيام الدراسة:
1/ كان فيه مدرس فلسطيني الله لايوفقه ان شاءالله كل يوم قبل مانطلع للفسحة
يجبرنا نشتري ريال فلسطيني عشان التبرعات واذا مادفعت مافيه درجات
فصرنا نشتري فطورنا بين الحصص لعانه فيه

2/ انتشار شائعة ( اليد الحمراء ) على يد أحد العرابجة
والكل ماصار يدخل حمامات المدرسة الا العرابجة فقط

3/ مدير المدرسة كان من جنبها ( شاهد شاهين الشرهان )
وكان ولده معانا بالفصل مايحل واجب ولا يشارك وينجح بأمتياز

هههههههههههههههههههههههههههههاااااي
الله يسعدك ياعليك ماااااضي ...!!
بس حلوة قصة المدرس الفلسطيني << هههههههههااااي
(( أشك انك ماكنت تسوي مثل ربعك تسرق فلووووس ))
محد قالك علمنا<<< هههههههههههههااااااي





يعطيك العافيه على رسمك للأبتسامه لنا ...




تحياااتي

مصـــرررقعــة

اسعدني مرورك

يعطـيـك العافية على المرورو

تحيآتي لك

ههههههههههههههههههه
ههههههههههههههه
ههههههههههه
هههههههه
ههههه
ههه

ربي يسعدك ياارب