يابوي انا جيت لكـ والنفس ندمانه

25-11-2009

صبــآحكمـ : مســآئكم .. عطــر وَ ريحــآن ..

أقدم لكم أنشودة يابوي انا جيت لكـ والنفس ندمانه ..
اتمنى تنال ع أعجابكم ..

الابن:

يا ابوي أنا جيت لك والنفس ندمانــه وفي القلب نار تشب وتشعل أشعـالي

ولدك تاه الطريق وكثرت أحزانــه وشرب المراره وغيره يشرب الحـالي

الاب :

رح خل ينفعك من طاوعت شيطانــه صاحبك راعي الوفاء اللي ماله أمثالي

صديقك اللي يعدك ثالث أخوانـــه وشلون خلاك وقت الضيق للصــالي

الابن :

يا ابوي عطفك رميت الروح باحضانـه ونثرت دمعه تجي لمن شآف الأهــوالي

لا عاد تذكر لي الماضي وخلانــه راحوا وشفني وحيد جالس لحـالي

الاب :

غرتك دنياك والأيام خوانـــه رضيت بالصحبه الحسنه بالأنـــذالي

وأغضبت أبوك وفضحته بين جيرانــه ونزلت راسه وهو فيما مضى عــالي

الابن :

أنت السبب في الخطأ وأنا أدفع أثمانـه أهملتني وانشغلت بجمع الأمـوالي

خليتني للهوى وابليس وأعوانــه يلعبي الجهل من جال الى جــــالي

الاب :

أنا أجمع المال وأتعب حيلي من شانـه قرش على قرش وريال على ريــالي

واشري لك اللي تبي من وسط دكانـه وتختار سيارتك لوسعرها غــــالي

الابن :

يا ابوي أنا جيت والعينين غرقانــه تائب عن الذنب وارجي رحمة الــوالي

السجن قطع فؤادي صمت جدرانـــه وظلمة زواياه عنها موتي أشــوالي

الاب :

تعال ياروح أبوك ونبض وجدانــــه لا عاد تشكي وتبكي يابعد حـــالي

الذنب ذنبي وصار وشفت برهانــه وقررت أخلي الطمع وأهتم بعيــالي

الابن :

أستغفر الواحد المعبود سبحانــــه ومن رفقة السوء أحذر كل الأجـيـالي

وانا اوصي الأب من فضله واحسانـــه لا تشغله عن عياله كثر الأعمـــالي

>>>>>>>>>>>>>>>>>>>>>>>>>>>>>>>>>>>

إنشـاد..أبو علي
القصيدة من شريط "دمعة سجين"
وهو محاضرة الشيخ سلطان بن عبدالله الدغيلبي( أبو زقم )
يحكي فيه قصص مؤلمة عن شباب ضيعوا أنفسهم وهم في زهرة شبابهم
في المخدرات - الشلات - اصدقاء السوء ..
ولآباء ضيعوا الامانة .. ضيعوا فلذات أكبادهم

..

منقول

26-11-2009

يسلموووووووو

ع الانشودة الحلوة

يعطيكي العافيه

26-11-2009	[2]
•● مـــون متميــز ●•	رد: يابوي انا جيت لكـ والنفس ندمانه يسلموووووووو ع الانشودة الحلوة يعطيكي العافيه
•● مـــون متميــز ●•

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري