الناس نامت وانا ماغمضت عينـي ارقب نجوم السما في اليل سهرانـي
همـوم فكـري بلتنـي يالله تعيني قامت توارد علي اشكـال والوانـي
احترت في كثرها واليـل ممسينـي ومن كثرها صرت سهران"وبلشاني
عجزت لاألقـى لهـا درب"يودينـي واحد مقفـل ولانـي قـادر الثانـي
تايه وخايف من الشيطـان يغوينـي مادري على حق والا صرت غلطاني
ابى اتكلم لكم عـن اخـر سنينـي والحكم عن الذي بالعـرف فهمانـي
قضيت عمري مثل عمر المساجيني جالس بغرفه وحيدا"بيـن جدرانـي
ماحدا" يجيني مغيـر الهـم يبلينـي والجوف من كثر همه شب نيرانـي
لامن ذكرت الذي بالبيـت ترجينـي بكيت ودمعي تناثر فوق الاوجانـي
ابكي عليها ومثلـي هـي تبكينـي امي ومن غيرها يدري عن احزاني
فديتك يمه بروحـي وكـل مافينـي انا رجيلينـك ان الله راد واحيانـي
ياضيقة العمر عني روحي وخلينـي ابي السعاده واشوف البعد اشقانـي
وش حيلتي يالربع والبعد مشقينـي يلعن ابوها مناصب والعمـر فانـي
ياعبييد ياخـوك تكفـى لاتخلينـي انطال بعدي ترى بصيبني اجنانـي
انت الوحيد اللذي بالعمـر يفدينـي يشهد على افعالك القاصي مع الداني
لو كان كثر البشـر عـدة ملاينـي انت الوحيد اللذي للطيـب عنوانـي
منصى الرجال العزيزه والكريمينـي ملجى لمنهو لقى في الوقت حقراني
ساسك عريب ومن ناس"عريبينـي جدك عبدالله مقر الطيـب يافلانـي
جدك عبدالله حفظ للعهـد والدينـي قناص غطاس فارس شيخ وانساني
لو اكتب الشعر باكتبلـك ديواوينـي وارجوا السموحه اذا بالقاف نقصاني

لو اكتب الشعر باكتبلـك ديواوينـي
وارجوا السموحه اذا بالقاف نقصاني

تسلمين أختي بسمة أمل رووووووووووعة

صح لسانك بسمة امل

كلمات فاقة الوصف والخيال

يعطيك العافيه

وبنتظار جديدك

طاااااااال

[grade="00008B FF6347 008000 4B0082"]مشكوره على مروركم يعطيكم العافيه[/grade]