في احد الايام طلبن مني شقيقاتي ان اذهب بهن الى احد الاسواق الخاصه بملابس النساء لشراء
حاجياتهن وفي الحال لبيت طلبهن لاني مجبور بذلك {لايوجد غيري} يعني اخو بنات
ذهبن واشترن جميع مستلزماتهن ولم يتجاوز مدة التسوق سبع ساعات
حالهن حال بنات حواء {الدقيقه بساعه}
ادلفنا بعد الانتهاء الى السياره لا تقول {ذلفنا} كلمه ماهي حلوه
ادلفنا يعني رجعنا
احد شقيقاتي همسة باذني ام فلان تبي تجي معنا نوصلها لبيتها ماجاها احد
حياها الله خليها تجي0 بس ترى بنتها معها 0ابركها من ساعه ماهي مشكله
اوصلنا ام افلان لبيتها على طريقنا هي الله يحفظها
استمرينا لمنزلنا العامر
طبعا نزلن حاجياتهن ! باقي كيس لمن هذا؟ لاندري
ربما يكون هذا لام فلان وصله لها اكيد محترقه عليه
وليه لا نوصله
وصلت عند باب ام افلان
طرقت الباب كلمتني بنتها من عند الباب؟ اقول الكيس هذا لكم؟ هات اشوفه
لحظه اسال امي! يعني هي ماتدري ! ايه لنا شكرا ، بس لحظه 00نعم
خذ هذا! وش هذا خذه وتعرفه!! ظرف مختوم 0 اها0 اكيد لواحده من شقيقاتي
زميلاتك بالكليه! لا هذا لك يا فاهم وابعد عن الباب لايشوفونك الجيران
فتحت الظرف و اذا به بطاقه طبع عليها ورده حمراء وقلب ورقم تلفون عادي بخط اليد
اتصل؟ لاعيب!!! اتصل بناس ماعرفهم لا لا لا هذا لايمكن
ولكني اتصلت وبداءت رحلة العذاب
الوه00000 نعم 00 من انت وش تبي { صوت البنت اعرفه} لا ابد 00غلطان انا بالرقم
لا ماانت غلطان اتصل بعد ساعه امي واقفه على راسي 00طيب
عاودة الاتصال واذا بها تضحك مااسرعك تتصل واستمرت الاتصالات واللقاءات
واتفقنا فيما بيننا على الزواج وكلا اخذ على صاحبه ميثاق غليض
نجتمع ثم نتفرق باجسامنا و****نا مجتمعه نعيد ذكريات الماضي
نشغل فيديو العقل بجميع صوره عند الخلود الى النوم
ومرت السنون او السنون ايهما حبيتو
تخرجت هي من الكليه وتعينت انا في وظيفه براتب مجزي هي تنتظر التعيين
في ليله من الليالي المقمره جلسنا في حديقة المنزل نحن افراد العائله
نتجاذب اطراف الحديثه وانا معهم جسميا ومعها عقلا
ذكروا الزواج0000 نعم الزواج 000 لازم نفرح بك0 من؟ انا؟ ايه
لا انا بدري عليه الزواج حتى اكوون نفسي وبعدين اتزوج
وحده من شقيقاتي ملقوفه شوي : انا ابي اعرف من هي اللي
ماخذه عقلك قلي 000 ابدا مافيه احد ما بعقلي شئ
افلان علي انا؟؟؟؟؟؟؟؟؟؟؟؟؟
تكلمو الحاضرين من افراد العائله طبعا انت مالك الا بنت عمك تبي يجي غريب وياخذها لا لايمكن
بنت عمك جامعيه ومدرسه وجمال وعقل وثقل وش تبي غيرها
أه000 وش ابي غيرها
بس عطوني فرصه افكر وبعدين ليه مستعجلين على زواجي منها
يمكن ماتبيني هي!!
لا هي تبيك ولاهي لاقيه احسن منك
بيني وبينكم بنت عمي اشوفها مثل شقيقتي الكبري كل ايام الطفوله انا وهي سوى
خرجت من المجلس العائلي 000 الى اين ؟ لاادري
هاتفت حبيبتي الغاليه ولكن العبره خنقتني !! مابك عسى ماشر وش فيه
مات لك احد 000 طبعا لا0
اقولك هذي شغله ما توفي اما اخطبني من ابوي والا ريح نفسك
انا ماني فاضيه استناك
وبعدين وش حكاية بنت عمك الجامعيه؟
اي بنت عم انا مالي بنت عم
وعليه تكذب
الله يسامحك لاعاد تتصل فيني مع السلامه 000 لحظه اقولك شئ
بعدين عندي شغل مع السلامه واغلقت الهاتف0 وبداء المشاور
اتصل مره مرتين ثلاثه
مالي الا اروح لها بالبيت 000 رحت تدرون وش حصل بعد مارحت
اقول لكم بالحقله الجايه اذا شفت تفاعل منكم
آمل ان تحوز على رضاكم واستحسانكم ولا استغني عن ارائكم