[align=center]ما تقبلت الفراق وما اللي بيدي فيه حيلة آه لو أن الظروف المقبلة تكشف قدرها لو يعرف الشخص منا وش مع الغيب بيجيلها كان جنبنا المشاكل من قبل يوقع ضررها ما هقيت الليلة اللي جابت الفرقة طويلة لين صارت ليلة تمسي بعيني اطول من شهرها .. والعذاب اللي يذوق بعين من يفقد خليله عندي اكبر من عذاب العين لو تفقد نظرها والحبيب الي صدودها مثل مداتها جزيلة صد عني واعرفه لو صد عن حاجة هجرها كن روحي يو م حست في جفاه وصعب نيلها بشرتني بالضياع وشدت العزم بسفرها ما رحمها من الهلاك وما تقبلها دخيلة تحتضر قدام عينه لين ماتت من قهرها عاد ليت اللي ذبحها وارهب الموت بوسيلة ما دفن وجه الضحية والسكاكين بنحرها ليت قلبه يوم طاوع فعلته كمل جميله لو غسلها من عروقه وبكفن صدره دبرها من حفر بضلوع قلبه حفرة تكفي قتيلة ليه ما يدفن قتيلة بالضلوع اللي حفرها اشتكيتها للرفوف وللبروايز الهزيلة وانذعرت من النياح اللي سمعته في صورها رحت اسولف للجبال الصم عن قصة رحيله ما تركت متون الا ينحت الدمع بصخرها واحد حقق جماله كذب أساطير الف ليلة يسكن السبع البحور ويحبس الحور بدررها الدروب بكبرياها ترتجف تحته ذليلة والورود اللي تقبل خطوته تنبت بثرها والغصون اللي بغاها تنثينيله تنثنيله والفياض ان حب ينثر عطرها يلمس ظهرها لو يصوت للغدير المنجرف جف بسبيله وان تبسم للجبال الصامتة نطق حجرها كل حاجة تستويلها لو بغاها تستويلها بالنظر واستغفر الله لو بقول انه سحرها ذاك لو بس يتمنى فاكهة شجرة ضليلة بس يفتح راحة ايده ويتساقط له ثمره كن ربي سخر الها المعجزات المستحيلة واصبح اسطورة وكل الالسنة تنقل خبرها هان محجر دمع عيني لين جفف سلسبيله والتفت لاخيه دمعة قبلت يده ونثرها دمعة كنا بشقاها يوم طاحت في شليلة جات المجاة البدوية تطلب الستر وسترها له علي انه يوم طاح من عيني تشيله ولي عليه انه يرجع البتساماتي ثغرها لو طعوني بالسكاكين بيده تشفي غليلها فاشتريها من عذابي وادفع بدمي مهرها واطلبه ينهال فيني طعن لين يطيح حيله بس لا يترك عيوني تنحرم نعمة بصرها له بعيني مثل ما للطهر بالنفس الاصيلة تقطع ايدين الردى لو مس شعرة من شعرها ما بغيته غير ذر وشتت اقدام الذليلة مزنة ما بللتني واستحيت اطلب مقرها والعطايا من ايدين الخلق للطالب قليلة والوهايب من ايد الله للعباد جل وارهب وان نسيت اني زرعت العشق وحظوظي بخيلة ما نسيت ان العطايا تستحق للي شكرها صعب تلقى شخص وافي يجزي الطيب بمثيله والعرب اكيد قالو ان الناس ما خلت بشرها ..[/align]