|
|
|
تم افتتاح
منتديات حواء العرب
التابع لمون لايت من تود التسجيل والمشاركه يتفضل
للبنات فقط
 « آخـــر الــمــواضــيــع » |
|
|||||||
| قصص و روايات قصص عربيه , قصص اطفال , قصص العشق , قصة قصيره , قصة طويلة , روايات , قصص الانبياء , قصص واقعية , قصص العاشيقن , قصص موروثة. |
 |
|
|
أدوات الموضوع | انواع عرض الموضوع |
07-08-2009, 11:10 AM
|
|||
|
|||
رواية عائلة السفير (قصة فوق الخيال,,رومنسية,,جريئة,, الجزء الثاني
بنت السفير الكبيره ( اروى ) واقفه على الشباك تتأمل جمال الطبيعه , وفكرها بعيد بعيد بعيد لحد 6 سنين ورى , لما كانت مخطوبه لعبدالله , عبدالله حبيبها الاول والاخير , مستحيل تتزوج من بعد ماحرموها منه او تحديدا من بعد ماحرمتها منه اختها ريما لسبب تافه بوجه نظر اروى ولكنه كبير بالنسبه لريما وابوها وحتى امها الي تتاثر بكلام ريما
مسحت اروى دمعه من على خدها : (( لا مستحيل اسمح لهم يتحكمو بحياتي مره ثانيه , انا تركتهم مره يتحكمو فيني ويحطموني ويرفضو زواجي من عبدالله , لكن هالمره لا , راح اوقف بوجههم ماراح اسمح لهم يغصبوني ع الزواج من "هالفواز " , لازم احط حد لهم , واولهم ريما )) جفلت لما سمعت صوت امها وراها ام فراس "زوجة السفير" : (( اروى حبيبتي ايش فيك ؟؟ ساعه انادي عليك )) اروى ابتسمت لامها : (( معليش ماما كنت سرحانه شوي )) ابتسمت امها بدورها وجلست ع الكرسي الي موجود جنبها , وطالعت بنتها بحب وكملت : (( اكيد سرحانه في موضوع خطبتك)) اخذت اروى كرسي وجلست عليه مقابل امها و تنهدت , خافت من الي راح يصير لما تقول لاهلها انها رافضه هالخطيب الغفله الي على قول ريما اختها انها حفرت الارض وجابته لها , وانها المفروض توافق عليه اروى : (( ايه ماما سرحانه في خطبتي , وخاصه بعد ما توصلت لقرار )) اتسعت ابتسامه ام فراس اكثر : (( الف مبروك حبيبتي , انا متأكده انك راح تكوني سعيده خاصه ان ريما هي الي اختارته لك )) اروى تنهدت مره ثانيه وغمضت عيونها بخوف وقالت : (( انا مو موافقه )) كانت مغمضه عيونها نتنظر رده فعل امها , بس لما ما سمعت شي فتحت عيونها لقت امها من الصدمه مو قادره تتكلم ام فراس كانت في حاله صدمه معقوله ترفض ؟؟؟ بنتها مو صغيره وفرصه مثل هذي ما تتكرر ام فراس اخيرا صحت من الصدمه : (( اروووه مجنونه انتي؟ , لا بالله انك انهبلتي ,, انا راح اسوي نفسي ماسمعت شي وراح اقول لابوك انك موافقه )) اروى على طول وقفت بوجه امها : (( لا ياماما لو تطلب الموضوع اني انزل لابوي واقوله اني رافضه فواز راح انزل )) ام فراس قامت من الكرسي معصبه على اروى وتطالعها بتهديد : (( اسمعيني يا اروووه دلعك الماصخ اتركيه , تعرفي لو ريما سمعت هالكلام راح تقتلك , وانا ماراح امنعها , احد يرفض خطيب مثل فواز الف بنت تتمناه , اياني واياك اسمع طاري الرفض على لسانك فاهمه )) بدت اروى تعاتب امها : (( اذا انتو راح تجبروني على الزواج ليش خذتوا رايي ؟؟)) ام فراس : (( تدري , انا مالي كلام معاك , راح اخلي ريما هي الي تتصرف معاك )) اروى : (( ريما مالها شغل فيني هذي حياتي وانا حره فيها )) ام فراس طالعت اروى باحتقار وطلعت من الغرفه , وسكرت الباب وراها بقوووه هزت اركان البيت غمضت اروى عيونها بقهر ونزلت منها دمعه ومثل العاده جلست تشكي حزنها وهمها لربها الي مايمل من شكوى عبده له والي مالها احد غيره يسمعها : (( ليش ياربي ريما طلباتها مجابه والبيت كله يخافو منها ,, مع انها اصغر مني وطايشه يمكن عشان طمعها وجشعها الي محبب ابوي فيها ؟؟ ياربي ساعدني ولا تتركني لوحدي اعاني مع هالعائله الي ما احس اني منهم ولا احس اني انتمي لهم , بيت كله مبني على الغش والكذب والطمع , وكل همهم جمع الفلوس , واصطياد المعاريس اصحاب الملايين , مع انك يا ربي معطينا من نعيمك , بس الطماع طماع ولا يمكن يقتنع بالي عنده )) " اروى البنت الكبيره من بنات السفير عمرها 26 سنه , بريئه وحبوبه , قلبها ما يوسع لحقد او كره لاحد , همومها ومشاكلها في هذي الدنيا كلها بسبب اختها ريما , مو راضيه ريما تقتنع ان فيه وحده في البيت خلوقه وقنوعه , لان بنظر ريما الشخص الي يقتنع بالي عندي ومايفكر يزيد فلوسه ونفوذه شخص تافه وما يستحق يعيش , عشان كذا اروى وريما عمرهم مايجتمعو على راي" فرق كبير بين ريما واروى , ريما جشعه وطماعه ومافي قلبها ذره رحمه , وشكلها الجميل اكبر عامل يساعدها في تحقيق طموحاتها الشيطانيه والخاليه من اي مبادئ , اما اروى مثال للطيبه والتسامح , قنوعه لابعد حد , ترضى بالقليل في سبيل السعاده , وماتطمع للبعيد اذا وراه تعاسه لها , رومانسيه لابعد حد , حساسه , وباره بواليدها , مع انهم قاسين معاها ودايما يحسسوها انها مو بنتهم لانها ماتمشي على شورهم
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية عائلة السفير (قصة فوق الخيال,,رومنسية,,جريئة,,حزينة,,مغامرات) | امواج بلا شواطى | قصص و روايات | 1 | 03-19-2010 02:10 PM |
| قصص » قصص منوعة » رواية مشــــــــــاعل - الجزء الأول | الملك2008 | قصص و روايات | 1 | 03-19-2010 02:10 PM |
| قصص » قصص منوعة » صاحب الظل الطويل ــــــــــــــــ رواية سعودية راائعة الجزء الخامس | الملك2008 | قصص و روايات | 1 | 03-19-2010 02:10 PM |
| قصص » قصص منوعة » صاحب الظل الطويل ــــــــــــــــ رواية سعودية راائعة الجزء الاخيير | الملك2008 | قصص و روايات | 1 | 03-19-2010 02:10 PM |
| رواية عائلة السفير (قصة فوق الخيال,,رومنسية,,جريئة,, الجزء الثاني | امواج بلا شواطى | قصص و روايات | 1 | 07-19-2009 10:33 PM |
sitemap_index.xml.gz - 1.xml - 2.xml - 3.xml
كما ننصحكم بزياره موقع مثالي ورائع لـ مقاطع يوتيوب المتميزه موقع يوتيوب يحوي الكثير من المقاطع الممتعة
 |
|
العرض العادي
