هل فكرت مرة إنك تصفي قلبك من كل شيء و تنام مرتاح ؟
هل فكرت مرة إنك ترمي همومك و مشاكلك لرب العالمين ؟
هل فكرت مرة إنك تسامح كل من خطى في حقك ؟


إخواني / أخواتي

ما في أجمل من صفة ( المسامحة ) و تصفية ال**** ..
و لا في أريح من إنك ترمي كل شي ( سيء ) من قلبك و تنظفه و تنام مرتاح البال


الزعل موجود في حياتنا كلنا .. و من حقك تزعل على فلان أخطأ عليك بيوم ..
و من حقك تاخذ منه موقف عشان يحس بخطاه .. و يجي ندمان و يعتذر


لـــكن

لا تطوّل بالزعل و لا تشيل بقلبك عليه كثير .. ترى الدنيا ( زائلة ) ..
اليوم إنت معاه و تشوفه و تكلمه .. و بكرى يمكن يتغير الحال و يروح منك لعالم آخر..!!


لا تترك للزعل مجال إنه يخليك ( أسود القلب ) و تصير إنسان قاسي
ترى يمكن يجي لك يوم و ( تندم ) و تتحسف لأنك فقدت هالإنسان وإنت زعلان منه ..
و عندها صدقني .. ما راح تنفعك دموعك .. و لا ندمك .. و لا تألمك عليه ..


من اللحظة هذي ..( صفي قلبك ) ..
و إن كان لك حق عند أي إنسان .. إحتسبه للي عيونه ما تنام ..


كل الود ل****كم
حروف الحب