وش الطاري !؟
ماعاد تهمّك اخباري !؟
ماعاد تهمك ألآمي وأحلامي وأشعاري !؟
ماعاد تهمك دموعي !؟
ولاتشتاق .. لرجوعي !؟
ماعاد تهمك اشواقي !؟
ونزفي داخل اوراقي !؟
ودمع ٍ كل ماتطري .. تراقص داخل احداقي !؟
ماعاد تهمك الغيرة !؟
جنوني
ثورتي ..
الحيرة !!
ياشيخ استح على دمّك !!
أنا اللي شتت احبابة ..
عشان يفكّر يلمّك !
وجاي تقول .....
ماهمـّك !!؟



تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنّه تشوّق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه بـ غيابك !؟
وأنا احس إنه بصدري .. مل ّ حتى من مكانه !
يالله عاد !
انفضي غبار الرحيل .. وأطعني
" صدر البعاد " !
ياهو .. لاعبّي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد