مقابله مع سياره

بسم الله الرحمن الرحيم
السلام عليكم ورحمة الله وبركاته


شفته وعجبني الموضوع قلت أنقله لكم ونتفاعل معاه أكثر وأكثر وش رايكم

لقاء مع سيارة

اخواني اخواتي الكرام مرحبا بكم في هذه الحلقة الجديدة من (لقاء مع سيارة )
الذي يسعد بصحبتكم في هذا اللقاء مراسلنا

في حلقتنا الاولى من هذا البرنامج سجلنا هذا اللقاء مع النجمة الصاعدة
مرسيدس C.L.K 55


مرحبا بكِ اختي مرسيدس

مرسيدس C.L.K 55 = اهلا وسهلا بكم ويسعدني ان اكون بينكم

المراسل = اذا نبداء القاء

المراسل = اختي مرسيدس C.L.K 55 الا ترين ان اسمك مختلف عن باقي السيارات
وخاصة من عائلتكِ الكريمة المعروفة

مرسيدس C.L.K 55 = نعم فأنا مختلفة قليلا من حيث
انني بثوب جديد مميز عن باقي مثيلاتي معدله يعني ههههههههههه


المراسل = طيب قولي لنا اكثر عن مميزاتك يعني كم عمرك الان مثلا ؟؟

مرسيدس C.L.K 55 = انت دائما تريد احراجي
بسؤالك عن العمر لكنني سأجاوب حتى لو لم تقتنع

انا عمري سنة واحدة فقط بل عدة شهور ونحن السيارات
نخرج من المصنع بختم السنة الجديدة وحنا بطبيعتنا نكبر بسرعة

المراسل = يعني موديلك 2004

مرسيدس C.L.K 55 = بالضبط

المراسل = الله يخليك لاهلك

مرسيدس C.L.K 55 = تسلم

المراسل = سمعنا انك معدله يعني قوية

مرسيدس C.L.K 55 = نعم انا قوية وكل عائلتي معروفين بالقوة الجبارة وهذا شي مهوب غريب علينا

المراسل = بس اشوفك مغروره كثير
لان هناك منافسين لك ولعائلتك يعني انتي كم سلندر وكم قوتك

مرسيدس C.L.K 55 = لا يبه هذا الحسد وبس
انا المانيه اب عن جد ظهر وبطن
وغيري يتركب في ماليزيا وتايوان
انا امي كلايسلر وابوي مرسيدس بنز
انا قوتي 5440 سي سي
367 حصان هي قوتي والحمد لله
انا عندي خمس تباديل جير عادي وتوماتيك
وضغط عالي وهذا يكفيني

المراسل = خلاص الله يهديك ماقلنا شي

مرسيدس C.L.K 55 = لاعادي بس حبيت ابين لك من اكون

المراسل = بس ماتشوفين ان اسمك غير عن العائلة شوي
مثلا هناك S500 \300SE / 240E

مرسيدس C.L.K 55 = اسمي الكامل C.L.K 55

وهذه الفخيذه مكمله لعائلة مرسيدس الكبيرة
بس انا باب واحد معدله
تبي افهمك ازيادة ولا فهمت خلاص

المراسل = خلاص فهمنا

المراسل = زين تقدرين تقولين كم مهرك ؟
يعني الحين الي بيتكلف وبيدفع لك كم لازم يدفع وياخذك

مرسيدس C.L.K 55 = شوف انا موجودة في المعرض
مابي ادلل على نفسي اكثر ولا احتاج دعاية
مثل بعض السيارات اللي في كل مكان وفي كل جريدة
انا سعري 365.000 الف ريال حاليا

المراسل = هل تفضلين ان ياخذك واحد اجنبي ولا من اهل البلد او ...

مرسيدس C.L.K 55 = شوف يابن الحلال
اللي بيدفع ياخذ حتى لو تقسيط
بس لازم يعرف اني ماراح اسامحة في اهمالي
وباكلفه اكثر من طاقته لو ما عطاني حقي في الصيانة الدورية
والعناية في البودي كير والمونيكير وانا حساسة كثير من هذه الناحية

المراسل = يعني انتي من فئة S

مرسيدس C.L.K 55 = اكيد ماتشوف حجمي

المراسل = بس سمعنا انك دايما متبرجة وسقفك مكشوف وهل هذي ميزة او عيب


مرسيدس C.L.K 55 = يابن الحلال الي مايطول العنب يقول عنه حامض
هذي ميزة فيني من زمان انا اكشف سقفي وقت مايريد اللي بياخذني ولا اعتقد ان هذا عيب فيني

المراسل = طيب ورينا شوي كيف يفتح السقف

مرسيدس C.L.K 55 = ان شاء الله على فكرة انا من اوائل السيارات اللي بهذه التقنية
واللي بعدي كلهم تقليد وفيه سيارات لين الحين على هندل يعني باليد



أيه على فكرة انا تعديل

المراسل = اعرف اعرف مشكورة سقف روعة وسيارة اروع
طيب نبي نعرف كم سرعتك؟؟ يعني عداد السرعة كم مسجل في الطبلون

مرسيدس C.L.K 55
320 كيلومتر في الساعة
واكيد اجيب هذي السرعة بدقايق معدودة بدون تعب ولا ارهاق
بل بكل راحة مع اني ما افضل السرعات
والمطبات اللي في شوارعكم ابي اتمشى بكل راحة وبس


المراسل = طيب (الجنوط ) كم حجمهم ؟؟

مرسيدس C.L.K 55 = الجنوط حجمهم 8 انش 18

255/35 وتتميز بالتهويه العالية وتكون باردة على طول
مهما مشيت فيها ومهما كانت الحرارة عالية
وجميع انظمة الفرامل الحديثة موجودة فيني

المراسل = انتي تتميزين بعيونك الواسعة ممكن توضحين وتتكلمين عنها اكثر


مرسيدس C.L.K 55 = نعم انا عيوني كحيلة واسعة
وهذا الشئ مأخوذ من المرسيدس بوعيون 240 اي بس انا عيوني اكبر منه
وطبعا احلى و احنا متميزات بهذا الشكل
ولا يخفا عليك طريقة وقوة الزينون الموضوعة بطريقة متميزة



المراسل = طيب ليش فيه مصباح في المرايا الجانبية وايش يعني هذا الشي ؟؟

مرسيدس C.L.K 55 = سالتني عن المصابيح
الظاهر انك متعلم على السيارات اليابانية وبس هذا حدك هاهاهاه
انا اقولك
هذي مو زيادة في الرفاهية مثل مايظن الناس وهذي اشارة
علشان الوحدة تلف يمين ويسار بكل سهوله
ويكون مقصدها واضح بين السيارات وزحمه ولكل منتبه لها


المراسل = الصراحة كفيتي ووفيتي
بس عندي سؤال اذا سمحتي

مرسيدس C.L.K 55 = قول اخلص

المراسل = اصبري علي شوي طيب ليش العصبيه

لاحظت وانا داخل في عدة ازرة في الباب الامامي وش فايدتها ؟؟



مرسيدس C.L.K 55 = هذي ازرة لتخزين حركات السائق يعني اذا هناك اكثر من واحد
وكل واحد له طريقة في الجلسه اللي تريحه وانا لازم اتماشا مع جلساتهم
واسجل لهم على ثلاث خانات كل واحد كيف تكون وضعيته في الجلوس


المراسل = ماشاء الله فعلا انتي متميزة

مرسيدس C.L.K 55 = شكرا بس حبيت اضيف شي هذه الازرار اللي جنبي لزجاج الابواب و الشنطة الخلفية
شوفهم كلهم في الباب بعد هي ميزة انا بس امتاز فيها عن غيري من السيارات
وبعد الزجاج نفسه حتى لو سكرته على حد بالغلط مايتسكر لازم يوقف
ولا يتسكر على يد احد يتوقف ويرجع الاسفل في اي حالة طارئة تلقائيا

المراسل = مشكورة على الشرح الوافي والكلام الكافي


مشكورين على المتابعه

وان شاء الله المقابلة القادمة مع الكامري

وارجو منكم المشاركة
اللي يبي يسوي مقابلات مع اي سيارة فليتفضل مشكورا
ضوء القمر

ههههههههههههههه

حلوووة والله المقابله

<< اخذ فكرة حلووة عن السياارات

يعطيك العافيه اخووي

وعساااك على القووة

ننتظر المزيد

دمت بود؛؛

ههههههههههههههههههه
هههههههههههه

ربي يسعدك والله ضحكتني

مشاركة ولا اروع منهاا

ربي يعطيك العافية ياارب

هههههههههههههه

اشكرك على الموضووع الفلة