[align=center]السلام عليكم ورحمة الله وبركاته

هذه بعض المسجات اللي جمعته من يمين ويسار

واخترتها لكم .......

أتمنى تنال أعجابكم

زعلك حبيبي يموتني ويحييني
عطني سبب للزعل يا كثرها اسبابك
عطني سبب يستحق انك تبكيني
داويت حزنك على بالي على بالك
لو يوم حزني صرخ بيدك تداويني
ان كنت قطعتني من رزمة كتابك
ما زلت ينبوع شعري في دواوييني

¤*¤

يكفيني منك بسمتك
وأغلى الهدايا ضحكتك
ماأبي كثير ..
حلمي أنا ماهو
كبير ..
البسمة تكفيني شعور
والضحكة ترضيني
غرور ..
ماأبيك تهديني .. عمر ..
وماأبيك تغريني .. بقمر ..
يكفيني .. رقم .. بدنيتك
مرتاح لو كنت الأخير ..!!

¤*¤

غيابكـ يزيدكـ
غلا !
وغلاكـ يزيدكـ
حلا !
وحلاكـ يزيدكـ
دلال !
وكلهم يزيدوني عذاب

¤*¤

إرحل ... لا ترجاني
لا تحاول تستغل طيبي والا حبي..
بس خلاص ارحل ..
ما عاد لك في الحنايا أي ذكرى..
أو معزة تحتوي جور غدرك ..

¤*¤

تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني

زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني

زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني

زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني

شوف الواقع المؤلم يعشق شوفة المجروح
رسخ في داخلي كلي ووده حيل ينهيني

¤*¤

لو يبان النور ماشفت السعادة

بالمحبة والوفا عندي شهادة

إنتهت دنياي باحزان وهموم

والخجل موجود والخافق رحوم

¤*¤

خذني بحنانك وطف البرد بعظامي؛؛
يمكن "بحضنك" أنام الليل واحكي لك ..
محتاج أسافر بعيد فيك بأحلامي؛؛
وأنزل بصوتي على شاطي مواويلك ..
واحط راسي على "صدرك" شوق وهيامي؛؛
واترك خفوق تعذب فيك يشكي لك..!!

يتبع[/align]

[align=center]ان كان تعذيبي يسرك ويرضيك
عطني عذاب واخذ بداله سعاده
اهجر على كيفك وزد تحديك
وانا بدال الهجر احبك زياده
لك مني ابكي كل ماحل طاريك
لين البكا يصبح مع الوقت عاده
مهما حصل يازين ماني بناسيك
اسمك نقشته دمع فوق وساده

¤*¤

ماني من اللي لا مشى
الدهر ينساك
ولاني من اللي عاشروك
لمصالح
ولاني من اللي لا بغى
شي حياك
أنا
من اللي يعزونك لذاتك
ولا خانتك دنياك والكل
خلاك
تلقاني صديق صادق
عند

" بابك "

¤*¤

أبي أرحل لعالم ثاني..
أنسى فيه كل زماني..
وأوعدك إذا رحلت
راح أقسي قلبي وأسجنه..
لكن مع هذا وذاك..
أعرفه قلبي ماراح ينساك..
باقي على ذ****؟؟
لو هجرته .. لو طعنته .. لو ذبحته ..
بيظل يهواك ويهواك..
الين تدفنـــه ..
(( بيمنــــــاك))..!

¤*¤

ليه أحبك وانت لي هم وعذاب ؟
ليه قربك نار وفراقك جمر؟
ليه أشوف الكون بدونك خراب؟
ليه أحس اليوم بغيابك دهر؟
ليه أصدقك ومواعيدك سراب؟
ليه أكذب جيتك لي وانتظـــر؟
ظالــــمي...حلفتك برب الكتاب...؟
ليه كل ماجيت أعاتبك أعتــــذر...؟

¤*¤

غيري يذوق المر والحالي
وأنا اذوق المر و لـــ حالي

¤*¤

حبيبي .. لا تواخذني تراني ناسي كتابي
وآسف .. ماحفظت اللي كتبته أمس بكتابك
تبيني أمدح حضورك وأبدا قبل تبدا بي
وانا لا من بديت أحكي تراني ما أبدا إلا بك
يا أول من نقش اسمه في قلبي وأول أحبابي
مادام المدح في وجهك مذمه بامدح غيابك
تعال اسمع سوالف عطرك الباقي على ثيابي
تعال اسمعه يغتابك ويهتابك ويسخى بك
تعال وإسمع إش يحكي لثوبي وباب دولابي
عن اخر سالفه مابين ذوقك وآخر ثيابك

¤*¤

أبي أغيض برد الشتاء وانا بحضنك..

لامعطف يدفيني ولانار ولا حطب..!

أبي أتنفس الحب بخشوع
وابي علمه بعد ياليت فصله يطول ويطــول ويطــــــــــول

لجل أبقى في حضنك حبيبي طول الفصول..![/align]

[align=center]لحظه حبيبي وقف هناك بالدور..

مانيب فاضي يمكن افضى لك اشوي!!

لازم تذوق المر وتعيش مكسور..

واكويك من جمر الهوى لاغدى حي..

ولو بعتلي عمرك فلا قلت مشكور..

لانك بعيني صرت كلك ((ولاااا شي))!!

¤*¤

في غربة المشتاق تزداد الأشواق

أزود من أشواق الشقيق لشقيقه

والقلب يصبح من عنا البعد خفاق

وتزداد دقاته بزود الدقيقه

ودقات قلبي ظنتي دقها فاق

مليون دقه بين الثانيه والدقيقه

¤*¤

كل الخصال الطيبة فيك
يعجز عن وصفها حبر أقلامي
لاغبت عني أشغل البال طاريك
ويحرم على عيني لذيذ المنامي
بموازين الغلا إحترت وش اسميك؟؟
لا قلت : قلبي قالوا : عاشت الاسامي

¤*¤

تعال لحف عيوني
بليل عشت به لحظات ..
تعال سمعني سواليفك وهمساتك ..
تراك اللي تسافر بي عن أحزاني والآهات ..
تراك اللي تبعثرني وأنا اللي جامع اشتاتك ..
جدار الصمت يقتلني
ابيك تجدد الضحكات ..
تراك الوحيد اللي تزيل الهم ضحكاتك ..

¤*¤

في غيبتك تساقطت خضر الأوراق
ماقاومت غيبتك جرة عنادي ..!
ماكل من يبعد له القلب مشــــتاق
ولاكل من عود له القلب شـــادي..
إلا أنت في الثنتين محرقني إحـــراق..
إن غبت زاد الشوووووق
وإن جيت زااااادي

¤*¤

أموت بنظرتك واعشق سكون
الحرف بشفاتك..
أبي أصبر على بعدك..
ولكن كل شي ضدي..
ولا أقدر على بعدك..
خلاص بشوفتك ودي..
حبيبي كانك المخطي..
حضنت بروحي زلاتك..
اذا عندك عذر مقنع..
انا هاللحظه ماعندي سوى..
حب ملا صدري يفوق الحب
في ذاتك ...

¤*¤

طال الغياب وأنا أنتظر منك ميعاد..

أخاف موتي حل ما شفت لك زول ..

أخاف من يوم تجي فيه نشاد ..

تلقى مماتي دار من حوله الحول ..

أنا أصارع موج الأيام بعناد ..

أطلب لقاك ومطلبي حيل مقتوووووول ..

¤*¤

صرت أتشفق شوفتك يوم بالعام ..
من عقب منت عندي العام كله ..
وأصرخ على ماضي الهوى مثل الأيتام ..
ومثل الطفل لين فطم قبل حله ..
أحدن تمنى شوفته طول الأيام ..
وأحدن تشوفه ساعتين وتمله ..

¤*¤

حبيبي كل مافيني يذوب بملح همساتك
حبيبي كل أحاسيسي يعشقونك
حبيبي طالبك تكفى أبيك بكل لذاتك
أبي جنبك مثل ظلك ..
ولا أبي شي من دونك ..
ابا سهر في وسط عينك ..
واباشرب كاس نظراتك ..
والى منك بغيت النوم أبي أنام بعيونك
وأبي أصحى بكلمة صباح الخير بشفاتك
وأبي فنجال حبك والغلا .. تمده جفونك

¤*¤

أفكر في أيام عمري وما حصلي
هي رداة الحظ وإلا الخطا بإختياري

ينعصر قلبي ألم و يحترق كلي
يحتري رجوع القمر و هو عنه ساري

قلت : ببعد أدور على غيره يسلي
رافض القلب أجيب اليوم عنه طاري

من زود العذاب حافر قبري محلي
أموت بأسبابه و تموت معي أسراري

أطلبوه يجي على جثماني يصلي
و قدموا له وللدنيا خطاب إعتذاري

¤*¤

الوفا طبعك وانا طبعي
القصور

اعتذر لو كان مالي اي
عذر

لو تغيب ســــــــنين
او يوم وشهور

¤*¤

ناذر (أنا) منساك
يالغالي نذر

لك بوسط القلب
يالغالي جذور

كيف يحيا القلب
لامات الجذر..

¤*¤


واصلينــــــي
بصوتك!
وأنا مثل أوافيك!
لو بيننا دروب المسافة
بعيدة
لا شفت رقمك فز قلبي
يناديك
فزات غافل لامس النار
بيده!
ولا تبخلي بوصلك ترى
القلب راجــــــيك!
ومناه يشوفك كل ساعة
ودقيقه!

¤*¤

اللي تركت الناس لجله بلحظة تركني


وحدي اعد وش كثر وادعت من ناس

¤*¤

يارب ياعالم
خفيات الاسرار..

ياواحد ياللي
كل الملا يرجونه..

تحفظ صديق الروح
من كل الاخطار..

وتحقق جميع اماله
وتصونه..

عسى الوطا تحته
بساتين وأزهار..

وعسى السما فوقه
ترفرف مزونه.. !


¤*¤



حلاوة عمري يوم في دنيتك ضعت
يازين لحظة ضيعتني وسط كونك

ان هل صوتك في شتاتي تجمعت
وانسى ظماي ان ظللتني مزونك

يفداك قلب في عذابه تمتعت
يخون قلبي نبضته قبل اخونك

نام وتطمن لو شكيت توجعت
ماعاد تغري سكة العمر دونك


¤*¤


ياويل قلبي كل ماجيت ابنساك
القاني أتعلق بك أكثر وأكثر
واللي خلقني ماقوى البال يسلاك
لانمت عيوني لك القلب يسهر
وشلون أبنسى العيش والملح وياك
أطلع
* رخيص الأصل *
لو قلت بجفاك وأقدر..

¤*¤


كرهتك أنت وأيامك
ولا باقي بعيوني دموع
ولو دار الحكِي عنك
أحب أغير الموضوع

¤*¤


ليتني "غيمه" ومطرها
يغسل همومك
وليتني "نجمه" وضواها
ينور دروبك ..
اسأل من يراك ويعلم
سرك ونجواك ان يجعل
الراحه والسعاده
لاتفارق عيناك ..

¤*¤

عرفت فيك حلو اللقاء
عرفت فيك مر الغياب
الله يصبرني عليك
ما للحياة دونك مذاق
وماعاد لي منك هروب
ضاقت علي كل الدروب
يا احلى خيال في ناظري
حبك تملك خاطري
آن الاوان وجيت اعترف..
ولاجل تعرف إني
((افقدكــ ))

¤*¤

لو الغلا يزرع كما زرع بستان
يكون زرعك في فؤادي مكانه
أحط لك غصن تميٌز بالألوان
مافيه مثله (مختلف في زمانه)
غصن خضر للحب بصمة وعنوان
أعطيه من روحي وأكثر حنانه
أسقيه من دم الشرايين فنجان
وبيني وبينه بالمحبة ميانه



¤*¤


خسارة انت و الدنيا علي تكابر
والزمن مثلك يكابر حبيبي
كل من حولي ظلمني
وتبغاني بعد هذا ما اسافر

¤*¤


أكثر من الشوق فيني
حياتي وانت نصيبي

لي غابت الشمس عني
أحس نورك يدفيني

تدري بي حبيبي حيل
أشتاقلك نهار وليل

وأحس بريحتك نسمة
وأشوفك نجم يضويني

¤*¤

صدقني أحبك لو كنت نساي..
وأموت في حبك ولو ماتبيني ..
خذ وقتي الحاضر وخذ وقتي الجاي..
وأن مامداك تحبني خذ سنيني..
أن جيت ابشكي حالتي أنت مشكاي..
وأن جيت أكرر نظرتي
فأنت عيني..

¤*¤

بـالحيل قلبي في الهوى مـغرم فيه
ليت اللـيالـي جمعـتـنا دقيـقـه
ليمن رجع لي ناعس الطرف بعطيه
قـلبي هديه مـن صـديق لصـديقه
بضـم طيفـه تـالـي الـليل واسـقـيه
من نـبع دمـعي ليـن يبـتـل ريـقـه

¤*¤

انت الذي من بدت الناس
سيطرت
وانت الذي تسكن بقلبي
وبالي
وانت الذي في حبك اليوم
ابحرت
وترميني امواجك يمين و
شمالي
وانت الذي سلمت لك روحي
ومالي
وقلبي وغيرك يموت بغيض
ماله مجالي ..

¤*¤

ياحبيبي والله ان قدرك رفيع
في عيوني يا "عيوني" للابد
شاري الغالي يا "غالي" مايبيع
لو يضيق الوقت ويقل الجهــــد
وانت لو جيت اوصفك والله لاضيع
كيف اوصّف للبلد نور البـــلـد
في البراءه كنك (الطفل الوديع)
وبالمعاند مايجي قدك احــــد
ايه احبك يالغلا وقدرك رفيــــع
واللي بياخذ مكانـــك ماانولـد


ودمتم بخير ومحبة[/align]

البلوره الشفافه
رووووعه
بس قرأت المقطع الاول وحلويين
كيف البقيه
تسلميين عزيزتي