عزيزتي الفتاه لازم اتحافظين علي مظهر الاظافر منمق وبراق وهذا يتطلب اسبوعيااا ازاله الجلد الميت واستعمال المانكير لاضفا جمال وصحه للاظافر ويمنع كذلك التشقق والتكسر لانه المير غاليا تحتوي علي مقوي للاظافر
وما يحتاج اتروحين الصالون علشان اتسوين بدكير و مناكير وياخذون عليج دينارين ونص واذا فرضنا انه اسبوعيااا لازم اتسوين مير لدينج يعني بشهر راح تدفعين سبعه ونص علي شي انتي تقدرين اتسوينه ببلاش باليبت

لان البدكير والمير ما تحتاج الا

طشت فيه ماي دافي + صابون بفضل صابون الرقي لانه يذوب بسرعه + ادوات قص اظافر ( مقراط , مقص صغير . مبرد فرشاه صغيره , وكريم ملين <<< تلاقينه ب الصدليات )

الطريقه
اذا انتي عجزانه اتسويها بنفسج جري الشغاله ترا ما وراها شي علي الاقل اتعلمينها شغلات مفيده بحياتها
انقعي الايدين بطشت الماي الي فيه الصابونه .. لمده عشر الي خمسه عشر دقيقه .. بعدين دلكيها شوي واهي بالماي ..
ثمن حطي شويه كريم ملين علي حدود الاظفر وقصي الجلد الميت بعدين بالفرشاه امسحي البقايا من القص والتظيف نظفي اللي تحت الاظفر بالمقص او فيه اداه طويله حاده مثل السكين تقدرين تسخدمينها لتنظيف وحك اللي تحت الاظفر .. ثمن ردي انقعيها تحت الماي ودلكيها شوي طبعا تقدرين اتقصين الاظفر بالشكل اللي انتي تبين يا اتخلينه مربع او بيضاوي .. يصير علي شكل نص دائره

طبعا بعد ما اتخلصين تنظيف يجي دور وضع الوسمه طبعا هذا الجزء المفضل عندي .. ايه الوسمه لغير الناطقين بالكويتيه يعني المير

طبعا موضه اللون الواحد للوسمه موضه قديمه .. الحين صار فيه شي اسمه نايل ارت
اعتبري الاظفر لوحه فنيه وارسمي عليها الشكل اللي تبين .. طبعا بستخدام فرشاه الرسم واذا ما عندج تقدرين تسخدمين الابره << تستفيد من اي شي .. اذا يدج تهتز وانتي ترسمين واتخافين يطلع الشكل مو مضبوط
تقدرين اتجيبين جلاد كتب وااتقصينه بالشكل اللي انتي تبين وبعدين تلزقينه علي الاظفر واتعبين الشكل باللون
اذا فاشله بالقص وما عندج مواهب رسم ما يخالف تعرفين لت الحنه اللي اتباع بالحواج واللي موجوده عند البسطات تلاقين فيها شكل ورد واشكال حلوه الصقيها بالاظفر وعبيها باللون