الجزء التاسع :
سند راسه على الكرسي و صار الالم ينازعه و ينازعه و شهقات انفاسه تطلع و تنزل بصوت عالي و دموعه تنزل يحاول يقوم سند يدينه على حافة الكرسي عشان يقدر يوقف يحاول و يحاول بس اول ما وطت قدمه على الارض طاح بطوله و كان صوت الخبطه في الرخام تتبعها صدى الصوت طااااااااااااااااااااااااااااااااااااااااااااااااا اااااااااااااااااااااااااااااخ
خلود وهي تحط بوجهها كريم اولاي و تمسحه على كل وجهها حطت الكريم على التسريحه
خلود .. بسم الله وشو هذا الصوت .. لا يكون الكلبه الخدامه كسرت شي و الله لا اوريها ..
طلعت جود من الغرفه تركض و تركض حست انه في شي و طول الوقت تدعي الله يستر الله يستر نزلت مع الدرج بخطوات سريعه و شافت ابوها طايح على الارض و عيونه فوق لونها ابيض راحت له تركض و دموعها تنزل بحراره تحرق خدها مسكت ابوها و صارت تصارخ
جود .. بابا بابا با با لالالا قوم الله يخليك قوم انا من لي بعدك بابا
و تمسك وجهه اللي صار بااااااارد و يدها كانت تتلمس ملامح وجهه اللي اشحبت من الموت و المنازعه حطت راسها على صدره و صارت تبكي بكل قوه و قهر ,, جت امها و شافت المنظر الحزين قدام عيونها بنتها تصرخ و تصيح على جثه سلمت روحها لخالقها بلا حراك عجبا لأبن ادم كيف يمشي مختال متكبر على الارض بكل غرور و يدعس عليها و لكن حكمة الخالق اللي يرجع بني ادم لأصله تحت التراب و تصير الارض هي اللي تدعس عليه هاذي الدنيا و هاذي سنتها
مرت الايام الاولى على قلب جود هم و حزن كانت ماتطلع من الغرفه ولا تاكل حابسه نفسها ماتبي شي و كل مااحد قرب منها و كلمها تصيح و تقول ودوني لأبوي اما خلود اللي كانت شايفه نفسها و لا احد قدها صارت مكسوره و طول الوقت تمسح دموعها بهدوء و سكون و تسبح و تقرا عشان تثبت بنتها جود اللي قاعده تذبل قدامها زي الورده
ااااااااااخ مااصعب الدنيا هذا حالها فراااااااااااااااااااااااااااااق و فرررررررررررررررراق
ليت ربي ماكتب لحظة وداع لا فرااق و لا دموع ولا ضياع .....
طبعا نجلا رجعت عشان تشوف اهلها و تعزيهم جلست معاهم تقريبا اسبوعين و حانت ساعة رحيلها و رجعت لندن مع نواف العلاقه بينهم كانت متوتره جدا جدا ولا يربطهم شي غير كلمتين بس ...
اما مي بدا بطنها يكبر و صارت حركتها ثقيله عشان كذا جابها فهد و سكنوا عند امه لين تولد بالسلامه
اما اضوا كانت مهمومه و حاطه حيلها في الدراسه و تحاول تكون قويه قدام امها اللي ملاها الحزن على اخوها و تصبرها فكانت البنت القويه المطيعه اللي تصبر امها و اخواتها ...
و بهيره كانت حزينه و بنفس الوقت ماتحاول تبين قدام امها و هنادي اللي كانت خايفه تملكها شعور الرهبه و عظم الموقف كانت تشوف كبير العائله اللي مات هز اركان العائله و ترك اثر مرررررررررررره كبير ...
عائلة السالم انهزت و كان الوضع في العائله مررررررررره متوتر نفوسهم تغيرت و امور كثيره تغيرت ....
كان سعود و فهد جالسين في الاستراحه مع الشباب ويلعبون ورق و مبسوطين جاهم يوسف شايل القهوه و يقهويهم بعدين حط الدله و جلس جنب سعود
يوسف ... وشفيك ياخي ماترد صار لي ساعه ابربر
سعود .. و الله ياخوي متضايق مدري و ش اسوي الاهل و ضعهم صاير مره صعب و لا ادري وش اسوي
فهد .. اي و الله انك صادق الوالده مرره تعبانه ماعد تبي تطلع و لا تروح و لا طبت بيت اخوها الله يرحمه من يوم وفاته وكل ماشافت بناته جلست تحضن فيهم و تبكي ...
يوسف.. انا بروح مع اهلي بعد اسبوع مكه و ننزل جده يعتمرون و ينبسطون وش رايكم تخاوني انتم و الاهل ..
فهد ... و الله ميب شينه انشالله توافق الوالده
سعود .. انا بكلم ابوي و اشاوره وهو انشاللله بيقنعها عشان تروح
فهد .. الله يسمع منك

مرت الايام عليهم سريعه و طبعا بعد عدت محاولات و صعوبات وافقوا الكل انهم يروحون هالرحله عشان يغيرون جو و ينبسطون فيها ...
خلونا نروح لأاراضي لندن نشوف كيف كانت حالة نجلا ,,, مسكينه نجلا نواف صار له حادث و انكسرت رجله و جلس ملازم الفراش مده طبعا قلبها صار رهيف من جهة نواف فكانت تهتم فيه و ترعاه و دموعها تحاول تداريها عشان ماتضايقه
كانت رايحه للغرفه و شايله معاها الغدا عشان ياكل و شافته و اقف على رجله و يحاول يطلع على الكرسي عشان يجيب الورق اللي مرفوع في اعلا المكتبه
نجلا و جت بسرعه تمسكه مع يده... نواف حبيبي انتبه لرجلك لا تتعور و بعدين انا ماقلتلك انتبه لنفسك
نواف ورفع يدها و صار يبوسها ... حبيبي يعني انا حبيبك الله و الله عمري ماحسيت بهالسعاده من قبل ...
نجلا و تنزل راسها من الخجل و اكتفت بابتسامه ...
نجلا كانت في قمة السعاده مرررررررررره مبسوطه ان حياتها مع نواف بدت تتغير و تتبدل بس يا ترى من تكون لميا هذي و ليش يصوت و يناديها , كانت دايما تحاول تسأله بس في شي يمنعها قررت انها اليوم في عزيمة العشا اللي عازمها عليها نواف تتكلم و تقول
نواف .. حبيبتي وين سرحتي ؟
نجلا .. معاك .. بس افكر ايش البس اليوم
نواف .. انا عملت (رزرفيشن ) حجز في مطعم مرررره رومانتك
نجلا توقف و تحط يدها على خصرها ... نعم يا قلبي من قالك اني ابي عزيمة مطعم
نواف .. اجل ايش
نجلا .. هم يجيبون لنا الاكل لين عندنا البيت و انا بنسق جلسه رومانتك ولا احلى تبيني اخليك تطلع ورجلك تعبانه
نواف و على شفته ابتسامه كبيره ... انا طول ما انا معاك و انتي مهتمه فيني بكون بألف خير و صحه
الجو كان مره حار و الشمس كانت مسدله اشعتها الذهبيه و خيوطها اللامعه على السماء ,, فهد واقف و يركب الاشياء في السياره الشنط و الاغراض عشان الرحله و كانت مي جالسه على الكرسي و تسولف معاه
فهد .. الا ميويه و الله صايره مره دبه خخخخ و مطنشه عيالك
مي و تعبس بوجهها .. انا دبه فهودي بعدين العيال مع اضوا جالسه تلبسهم و هي قالت انتي ماعليك منهم انا وبهيره بنهتم فيهم لين تولدين
فهد و يصرخ ..ااااااااااااااااااااخ
قامت مي تركض عنده .. فهودي حبيبي وشفيك
فهد و يمثل انه تعبان و قلبه يعوره .. اه اه قلبي يعورني
مي و جهها بانت عليه علامات الخوف .. فهـــــــــــــــد وشفيك
فهد ... بس احبك و اموت فيك
مي و تمسكه مع اذنه .. حرااام عليك تخوفني شوف شلون جيت اركض
فهد .. شكلك مع الركضه تحوفه خخخخ
مي و فهد ... هههههههههههههههههههههههههههههههههههههههههههههههههه ههههههههههههههههههههههههههههههه

في الدور اللي فوق بهيره و جالسه تصرخ على وليد و فواز عشان يلبسون وهم جالسين يجننونها
بهيره ... اضوااااااااااااااااااااا تعالي شوفيهم طفشوني والله ماعلي منهم
اضوا ... خلاص روحي نزلي لولي وانا بتكففل فيهم
بهيره .. لا و الله انا اخاف منها اصلا و تبيني انزلها قولي لهنادي
اضوا .. طيب روحي جهزي نفسك و اذلفي عن وجهي و انتو حبايب عميمه تعالو انا البسكم و ننزل سوا
فواز .. عميمه وين بنروح
اضوا .. بنروح مكه الله يشرفها و بنروح جده ننبسط فيها
وليد .. هيييييييييييييييييييييييييييييييييييييي فله وناااااااااااااااااااااااااسه
وصلت سيارة سعود و اهله عشان يروحون سوا يمشون طبعا احمد معاه سياره ثانيه عشان يسوق في خلود و بناتها اللي صار مالهم احد بهالدنيا
اصر ابوسعود انه ياخذ عيال المرحوم معااه بسياره هو و خواته ام فهد و اخته حصه عشان يحسسونهم بأنهم اهل و عزوه ومافي شي بيختلف عشان وفاة ابوهم
اما سعود ركبوا معاه البنات بهيره و بسمه و اضوا مارضت تركب و كانت حابه تركب مع اخوها فهد بس اصرار بسمه اجبرها تركب
كانوا متواعدين انهم يتقابلون مع اهل يوسف عند المحطه و بعدها يتوكلون كلهم على مكه .....
طبعا في سيارة احمد كان ابوسعود جنبه و معاه خواته و عيال اخوه اللي كان يسولف معاهم و يناقشهم عشان يوسع صدرهم
اما سيارة فهد فكانت مي و عيالها و معاهم هنادي و كله صجه وازعاج و قلق من البسه اللي ياشايلين فيها يا حاطين
اما سيارة سعود فكان يعمها السكون اول شي بعدين بدت بسمه تسولف و تسولف و سعود يضحك عليها طبعا اضوا مارضت تركب ورى سعود خلت بهيره تركب عشان ماتبي عيونهم تلتقي مع بعض
بسمه .. سعود ماعندك شي نسمعه مرررررره طفشتنا ترى بس ساكت
سعود .. الا لحظه فيه شريط نكت مررررررررره حلو بدوره دقيقه و جلس ينبش بين الاشرطه يدوره .. ايه صح اذكر اني وزيته عن يوسف ورى في ظهر المرتبه و لف يطلعه بنفس الوقت اللي مدت اضوا يدها تطلع المجله من ظهر المرتبه هالمره مو بس عيونهم اللي تلاقت حتى يدينهم لمست يدين بعض فجأه بعدت يدها اضوا و سعود جلس يناظر عيونها و هو مرررررره مبسوط و خاااق عند عيونها و نعومة يدينها
بسمه .. حشا ماصار شريط نكت تطلعه وخر بس انا بجيبه و مدت يدها بسمه و طلعته اما هو مرررررررررره كان يعرق و يمسح و جهه وا ضوا كانت مره مرتبكه قربت منها بهيره و همست في اذنها
بهيره .. الله الله يعيني على الحب
اضوا و تضغط على يد بهيره بقوه و تقول ..الوعد اذا نزلنا انا اوريك
سعود.. اضوا
اضوا و مويه بارده انكبت على راسها .... نعــ ــ ـم
سعود .. نعم الله عليك بس من ركبنا انا ماسمعتلك صوت
اضوا و تذكرت مكالمته اللي حرقت اعصابها ... مااحب احكي مع ناس غرب
سعود و عقد حواجبه .. انا غريب
اضوا اكتفت بضحكه بسيطه
عصب سعود و دعس على البنزين بكل قوته و شغل المسجل و حط اغنية عبدالمجيد عبدالله
علي انا هذا الكلام ماحس قلبك بالغرام وانت اللي ذايب فيني ذوب و مدوخك حبي حرام
تنكر ياعمري محبتي وفيك شتسوي نظرتي .... علي انا هذا الكلام
بسمه و بهيره ميتين ضحك عارفين ان اضوا المقصوده بهالاغنيه اما هي مررررررررره كانت مقهورره و معصبه فهمت قصد سعود من الااغنيه
و كانت هذي حالتهم بالسياره اهداءات غير مباشره و جو مكهرب بس يموت من الضحك ..
احلى شي الغلا لما يكون بين حبيبين يدخل شعور رائع لروحهم و يحسون بالحب
ولعت اخر شمعه على الطاوله وراحت تمشي جهة المرايه و عدلت شعرها و نزلت بعضه على وجهها و حطت قلوس وراحت تمشي جهة الغرفه شافها و كنه يشوفها اول مره بحياته دايما كان يشوف ظلها او زولها لكن مايشوفها ال خوف معمي على قلبه صار يتاملها و هي تقرب عنده الفستان القصير اللي لونه اسود مع الشريطه اللي مربوطه مع الصدر و الاكسسوار الللي لونه احمر مع القلوس الاحمر كانت في منتهى النعومه ...
مسكت يده و صارت تمشيها على ملامح وجهها و بعدين نزلتها عند قلبها و ضغطت على قلبها كنها تبي يده تحس بالنبض اللي ينبضها و كنه كلام جالس يترجم بلغة عشاق سلموا ****هم لبعض حتى لو كانت متأخر بس اهم شي سلموا ****هم ...
تابعوا الجزء اللي بعده اللي راح يكون اخر جزء و اطول جزء في القصة ..............