الجزء الثامن :
كانت فارشه لوحه بيضا على الارض في البدروم حق الشقه اللي كان قزاز و منظره مرره روعه وجايبه بلونات و صارت ترمي البلونات اللي مليانه بالالوان السايله على اللوحه بقووه كأنها ترمي غضبها و تصبه على الورقه البيضا و كل مانزلت خصلات شعرها على وجهها ترفعها بعنف و تكمل بكل قوتها ...
رن جوالها اللي تعودت على سكونه راحت جهة الجوال ومسحت يدها بالفوطه المبلوله وردت على الجوال
نجلا .. الو
اضوا .. نجوووووووووووووووووووول وحشتيني مووت
نجلا .. ضويه يا حبيلك من زمان عنك وينك وينك وينك
اضوا .. اه يا نجول خليها على ربك صارت احداث ماتتوقعينها
وصارت اضوا تحكي لنجلا كل شي من طقطق للسلاااااااااااااام عليكم
اما في بيت ابو سعود
بسمه كانت تكلم بهيره بالتلفون و متفقين انهم في جمعة الخميس هذا يشوون حابين يعملون باربكيو
بسمه .. بهيره انا ودي اتكلم مع اضوا بس احسها شايله علي بعد اللي سواه اخوي سعود معها
بهيره .. ليه عادي ماصار شي بعدين اخوك سعود كلم فهد واتفقوا ان بعد الاختبارات بيسوون الملكه
بسمه .. بس انا احس اضوا مو راضيه
بهيره .. انتي ماتعرفين اخوي فهد ماياخذ راينا في هذي الامور
بسمه .. ليش بس هذا زواج
بهيره .. اللي متقدم لأضوا ولد خالي يعني اقرب الناس لها و افضل شي لها
بسمه .. انشالله انا ناويه اتكلم معها يوم الخميس
بهيره .. انشالله ولاتنسين انتي عليك المفرحات و الهبل وانا بجيب العده الباقيه
بسمه .. بهيره اطلبك طلب
بهيره . انتي تامريني
بسمه .. تععالي نامي عندي اليوم والله متضايقه مررررررررره
بهيره .. والله مادري عن امي بشوف وش تقول
بسمه .. انا بكلم عميمه
بهيره .. طيب

في بيت ماجد السالم
كان يمشي بخطوات مثقله بصعوبه ونفسه كأنه يعلن رحيله بدأ يتقلص سند نفسه على الجدار حتى وصل للكنبه ورمى نفسه وصار يتألم بشده طلع علبة دواء من جيبه و اخذها و غمض عيونه حتى يبدا الالم بالتلاشي هذي كانت حالة ماجد كبير العائله ابو ابتسام و جود
كانت جود ماره من المطبخ و حست بصوت نفس على الكنبه اللي بالصاله الخارجيه ولما التفتت شافت ابوها راحت تركض عنده و تتلمس جبهته و هو يبتسم
جود .. بابا وش فيك طمني عنك لا تكون تعبان
ماجد.. لا يا عيون بابا انا بخير بس صداع عادي واخذت مسكن الحين بدا يزول الالم
الا ماقلتيلي وش ردك على اللي جاي يتقدملك ولا حابه وقت زياده تفكرين
جود نزلت راسها من الحيا .. لا بابا انا موافقه لأني اشوف في عيونك الفرحه و الرضا
ماجد .. لا انا ابي قناعتك صحيح اني مره مبسوط و الرجل مره عاجبني بس انتي اهم ورايك هو الاهم
جود .. خلاص بابا انا موافقه
ماجد .. على بركة الله
الحين جود بتنكتب لها حياة جديده غير تتمنى انها تكون غير عن جحيم امها واختها بس الشي الغريب رضا ابوها و قبوله المصر للرجل ليش مستعجل وليش مايبغى ابتسام تتزوج قبلي رغم انها الاكبر في امر كان يشكك جود ولا يطمنها ..

في اراضي لندن كان نواف راجع من دوامه و فتح الباب ودخل شاف نجلا جالسه قدام ابوه و هو على عربيته و تشربه الشوربه و تمسح على فمه بنعومه و حنان ..
بعدها لفت نجلا على نواف و رسمت ابتسامه صفراء شاحبه و صدت عشان تاخذ ابو نواف بعربيته للغرفه يرتاح حست انهاا بذلت مجهود كبير معاه وهو محتاج راحه ..
دخلت الغرفه شافت نواف متمدد على السرير و عيونه للسقف وكأنه امر كبير يشغل باله قربت نجلا من عنده وهزت كتفه لف عليها وقالها
نواف ... لميا لو سمحتي سكري النور ابغى ارتاح شوي
نجلا و بدت تحس بنار تشعل قلبها مشت بسرعه للجهة النور وسكرتها وهي طالعه قالت
نجلا .. على فكره انا نجلا مو لميا وطلعت بسرعه
راحت بهيره عند بسمه عشان تنام عندها و ينبسطون مع بعض طبعا اللي جا ياخذ بهيره كان خالها ابو سعود و بسمه ومروا على السوبر ماركت عشان يتقضون اشياء بسيطه يسهرون عليها وصلوا البيت و جلسوا في غرفة بسمه يسولفون و يقلبون في التلفزيون الا جت اغنية
العنب العنب احمر ولونه خفيف العنب العنب العنب
و قامت بهيره تربط خصرها وتهز مصري وبسمه تصفق لها والصوت كان مره عالي في طلعت احمد الدرج مشى لغرفة بسمه يسمع الصوت وكان تعبان مره و يبغى ينام مو فاضي للأصوات اللي يسمعها فتح الباب بسرعه وهو يشوف بهيره تتمايل بخصرها و تهز كنها رقاصه
احمد كان مره مبهور مو مستوعب اللي قاعد يشوفه بس كان مبهور وماتوقع بهيره عندها هالمواهب وقف يناظر و هو ساكت ماحركه الا صرخة بهيره من الاحراج
طلع بسرعه من غرفة بسمه وراح اتجاه غرفته سكر الباب و جلس على السرير يتخيل المنظر معقوله و يضحك بشكل هيستيري
اما بهيره مسكينه وجهها انصبغ باللون الاحمر و نفسها صار سريع و ترتجف و بسمه تضحك ضحك لدرجة عيونها صارت تدمع من الضحك .......

اليوم الخميس الصباح , يعتبر صباح جديد يوم جديد تبتدي فيه حكاية جديده للكل ابطالنا اللي مروا علينا بس هذا الخميس غير عن كل خميس كانت حفلة الشوي اللي نظموها بسمه و بهيره و بعد اعلان خطوبة جود بيكون في هذا اليوم قدام العايله
في بيت ماجد السالم :
خلود .. ياسلام انت و بنتك تخططون من غير علمي هذا زواج مو لعبه بعدين ابتسام اولى من جود لأنها الاكبر
ماجد .. انا خايف على جود و ابي ا طمن عليها اما بنتك هذي دلوعه و صايره نفس نظامك و الولد طلب بنتي الصغيره مقال ابي الكبيره
خلود .. لا انا امها و مو موافقه ولا راضيه على هذا الزواج
ماجد و صرخ صرخه هزت اركان الغرفه اللي خلت خلود تسكت و ترتجف .. غصب عليك الموضوع مو برضاك تسمعين لا نقاش فيه

كانت الجمعه في بيت ابو سعود و بهيره و بسمه من الصباح صاحيين و يتجهزون و يضبطون و طبعا ام سعود كانت محبوبه عند جيرانها و اهل حارتهم فقررت انها تعزم الجيران و تعزم يوسف صديق سعود و اهله عشان تصير جمعه حلوه الكل يستعد في هذا البيت و يتجهز
ام سعود.. بسمه يا بسمه بسمه
بهيره .. سمي خالتي بغيتي شي بسمه فوق في غرفتها الحين بتنزل
ام سعود .. و لا عليك امر يابنتي ياليت تجيبين الاغراض اللي عند الباب و تحطينها بالمطبخ تساعديني
بهيره .. انشالله خالتي
راحت بهيره تجيب الاغراض اللي عند الباب ولما وصلت مانتبهت للمويه فأول ماحطت رجلها طوووووووووووووووووووووووووووووووط طاااااااااااااااااااخ تزحلقت بس احمد كان وراها و مسكها بكل نعومه
لفت بهيره و شافت احمد و كانها شايفه جني طارت عيونها و عجز لسانها عن الكلام
احمد .. بهيره بسم الله عليك فيك شي
بهيره و دموعها بدت تنزل و نزلت راسها علطول
احمد حط يده على و جهها ورفع راسها .. ليش الدموع عسى ماتعورتي
طبعا بهيره ماتعورت بس انها تبكي من الاحراج ودها الارض تنشق و تبلعها دايما مواقفها مع هذا الانسان بالذات
طلع منديل من جيبه و مسحلها دموعها و قالها انا بساعدك و صار يشيل معها الاغراض و يدخلها جوه في المطبخ
اما بهيره طلعت فوق علطول على غرفة بسمه تستوعب الاحراج اللي صار واول ماقالت لبسمه
بسمه ...ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه

كحلت عينها بلون ازرق و اول مره تجرب هذا اللون عليها و رسمت حواجبها و كثرت اللون البني الغامق اللي يتماشى مع لون بشرتها و حطت مسكارا و بلش على خدوده و اخر شي قلوس لحمي بس فيه لمعه خفيفه ..
لبست البرمودا الجينز و التي شيرت الاورانج الناعم البسيط و رفعت شعرها كله و حطت بف من قدام صاير شكلها في منهى النعومه
واول مانزلت مع الدرج شافتها مي و صارت تسمي و تقول
مي .. بسم الله عليك يااضوا ماشالله قمر
ام فهد .. و انتي بعد يا ميويه يابنتي قمر
مي .. مع الكرشه هاذي قمر ها خالتي
ام فهد .. ههههههههههههههههههههههههههههه
اضوا .. و اللله انتي يا مي الذوق و النعومه و الجمال بكرشتك ولا بدونها
فهد وهو يدخل الصاله .. اضوا كنك تسبين ولدي وانا مادري
اضوا .. كلنا كرشه ماقلت اللي جوه الكرشه
الكل .. هههههههههههههههههههههههههههههههههههههههههههههههههه هههههههههههههههههههههههههههههههههههه

وصلو ا الكل و تجمعوا بيت ابو سعود كانوا الحريم جالسين يرقصون و يغنون في الحديقه و يشوووووووووون و الرجال جالسين يسولفون بالمجلس يطرحون مواضيعهم الممله عن الكوره و السياسه و الاقتصاد و اشياء تجيب الطفش
طبعا الكل درى بسالفة خطبة جود و كلهم يباركون و يهللون و مبسوطين لها مره اما سالفة خطبة اضوا لحد الحين ماصار شي مجرد الموقف الللي صار و الكلمتين اللي حكاهم سعود لفهد و مافي شي رسمي او اكيد
جلست بسمه مع اضوا على جنب لأنها كانت حاسه ان اضوا شايله علىيها شي في قلبها من حركات اخوها
بسمه .. ضيو حبيبتي لا يكون زعلانه مني و شايله في قلبك علي
اضوا .. وش دعوه بسومه حبيبتي انا ماازعل منك وانتي مالك دخل
بسمه .. ريحتيني بس ممكن اعرف شي
اضوا.... تفضلي حبيبتي
بسمه .. اللي اعرفها انك تميلين لسعود و هو نفس الشي و عيونكم فاضحتكم بس مو مستوعبه ليش رفضتيه
اضوا تذكرت الموقف اللي صار و المكالمه اللي سمعتها و اسلوبه مع البنت اللي يكلمها مادرت انها بسمه و كانت تضغط على اصابيعها و تقول ... لأنه في قلبه و حده ثانيه و ..
قطعت عليهم ابتسام و هي تقول بكل رفعت خشم و تباهي .. اضوا شكلك اليوم مو حلو كنك نحفانه و متغيره
قامت اضوا من القهر و راحت للمطبخ عشان تشرب مويه لأنها مالها خلق تسمع كلام ابتسام اللي زي السم
لحقتها بسمه عشان تشوف اضوا لا يكون زعلت ولا تضايقت و يجيها وليد ولد مي و يقولها
وليد .. خالة بسمه معليش تجين تشغلين لنا السوني بالملحق ماعرفنا
بسمه .. من عيوني يا قمر
و راحت مع وليد تشغل له الكمبيوتر و لما دخلت تشغلها و هي طالعه قابلت يوسف بس ماانتبهت له اما هو انتبه و جلس يناااااااااااااااااااااااااااظر العين بحر زي مايقولون حاول يبعد شوي و يتأملها و هي تسولف مع الصغار و تبوسهم و كانت تمزح معاهم ............
اضوا في المطبخ كانت ماسكه جوالها و تتصل على نجلا بس للأسف الخط مو راضي يشبك معاها وهذا اللي زادها قهر و تعصيب
جت عمدها بسمه و قربت منها حضنتها و قالت
بسمه .. كلمتين خليهم ببالك سعود يحبك
اضوا و فتحت عيونها بس ماصدقت اذا كان يحبني مين اللي كلمها في بيتنا و عطاها بوسه مين
بسمه و تحرك يدها قدام عيون اضوا
بسمه .. وين سرحتي وين
اضوا .. بعدين احكي لك خلينا نروح نشوف الشوي لأني مره جوعانه
راحوا البنات برا و كملوا الشوي و تعشوا و انبسطوا و كان يوم مره حلو عليهم كلهم و انتهى هذا اليوم بحلاوته و مرراته و مفاجآته على البعض

اتمنى يعجبكم هذا الجزء و استنى ردودكم ترقبوا الجزء اللي بعده لأنه احتمال يكون بعد جزأين نهاية القصه ..