عاف ك الخاطر بعد ذيك الحكاية
والنفس عافت ذ**** وطاريك
لا تظن اني بدونك انكتب لعمري نهاية
انا ياخلي بدونك نسيت حاظرك وماضيك
انولد في بعادك عمر جديد وسط افراح وهدايا
كل من حولي يبارك ويقول " انا شاريك"
حسايف انخدعت في خل كنت اظنه لجروحي دوايا
انا قللي شللي يميزك.... والا شنهي الزيادة فيك؟؟
الناس من حولي ودهم في قربي ..تتمنى رضايا
احتار قلبي من غلاهم والكل ينده "لبيك"
ماهو بعيب لا خطيت باختياري فيك وانا صافي النوايا
بس اتضح لي ان العيب راكبك من راسك لين رجليك
غريبة حال هالزمن كذر ما توفي وتعطي من قلبك عطايا
كثر ما تعمل خير وهو بالشر يجازيك
صار هذا شي عادي في دنيا تساوى الخاين مع كثير الوفايا
صعبة كثير لا جيت بتفرق بين اللي يحبك وبين اللي يبغى يغدر فيك
هذا حالي من يوم شفتك واسكتتك بروحي والحنايا
بس لحظة لا تظن ان لك في دنيتي رجعة واللا في خفوقي بخليك
ما عاد لك وسط قلبي بيت ولا حتى بالزوايا
ما عاد لك في حياتي مكان ولا ذكرى تناجيك
انتهى حبك وانتهت احلامك معايا
انتهى وجودك من حياتي وخل الحزن في حياتك يخاويك
انا يا خلي من بعدك لقيت من رد لدنيتي هنايا
وانت ربي يوفقك شوف منهو في بعادي يسليك
هذي نهاية قصتي معك وانا اعتبرها بداية
لدنيا بقضي ايامها من غير ذ**** ومن غير طاريك
خسرتني وخسرت ايام حبي وغرامي وهوايا
واللا ماني بخسران اصلا انا ما كنت ربحان فيك...