| | |
| | ||
 |  |  |
 |
 |  |
| |||||||
| خواطر ونثر x خواطر للحب x خواطر رومانسية نثر الحروف عاطفة ، والخاطرة مشاعرها , بوح الخواطر والكلمات الرقيقه و خواطر 2009 |
 |
| | LinkBack | أدوات الموضوع | إبحث في الموضوع | انواع عرض الموضوع |
|
#1
22-03-2008
 | |||
| |||
 من غلط في رقمي ..لقى الردّ غلطـان.... كلّ البشر فـي الاتصـالات يخطـون يخطون واخطي.. عذرنا هاتف فلان؟؟ ومن عادتـي ماهتـمّ باللـي يقولـون من غلط في رقمي ..لقى الردّ غلطان الين جااء فـي يـوم ..دق ّ التلفـون شفت الرقم.. لقيتـه اشكـال والـوان فتحت جوّالـي ابعـرف مـن يكـون سمعـت صـوتٍ فيـه بحّـه وفتّـان قالت لي: انت سعود؟ قلت: ايه بالعون. لعيونك.. اسمي سعود لو كان ضيـدان قالت :اتظنّي مخطئه. قلت :وشلـون؟؟ قلبي توقّـف مانبـض فيـه شريـان بالهـون يابنـت الاجاويـد بالـهـون من عـادة الانسـان يرتـاح لانسـان تسمّعـي يابنـت وابليـس ملـعـون اخذي كلام ٍ مصدره صـدق وجـدان ماني بقايل لك: انـا انسـان مزيـون اطرق ولاله شبه في الانـس والجـان انا محمّد.. وافـي الهـرج مـوزون اوزن كلامي.. قبـل اقولـه بميـزان وانا الّذي لاحـبّ ..لايمكـن يخـون مخلص مدامه حيّ ..ويمـوت ماخـان وانـا اذا حبّيـت.. حبّيـت بجـنـون حبّـي يفجـر داخلـي الـف بركـان وانا الّذي ماطـرد ورى مـن يقفّـون من صدّ عنّي عمد.. بجزيـه حقـران هذي وصوفي ..واكثرالنّاس يشـرون وانتي عليـك اليـوم تقديـر الاثمـان قالت :اشوفك قمـت يامحمـد تمـون تضحـك وضحكتهـا تقاسيـم فنّـان قلت :الميانه.. ماهي بضحكـة سنـون احيـان ماتلقينهـاا بيـن الاخــوان ترى الميانه شيّ واضـح ومضمـون اذا اجتمع شخصين.. في قلب ولسـان قالت :كلامك وافـي ٍ يابـن خلـدون احيان احسّ ان جلستـك بيـن شيبـان يامحمد ..اسمع كلمة البنـت ميسـون اسلوبك ووقتك.. مضت دونها ازمـان هـذا زمـن قدواتـه افـلام كرتـون وهذا زمان ارجالـه اجسـاد وابـدان قالت.. وغنّت لي على وقتـي لحـون قلت: اسكتي من بعد ماخاطري شـان انا ادري ان الوقت.. من دون في دون لكن فمـان الله وانـس ِ اللـذي كـان قلته وانا صامل.. وهي عندهـا آذون لكنّـهـا ماصـدّقـت سـمـع الاذاان ضاقت ...وخلق الله دايـم يضيقـون وانا قفلـت الخطّ..ضايـق وزعـلان ونسيت.. والاجواد في الوقت ينسـون ماسـمّـي الانـسـان الاّ بنسـيـان المشكله..بنـات حــوّا مايسـلـون دقّت علـي وانـا لهـا شبـه شفقـان قبل آآتكلّم.. قالـت: اسمـع ولاتهـون اسمي مهو ميسون.. حان الصدق حان الاسم عمشاء وآخـر الجـدّ مصيـون مهـره ولا طوّعـت بلجـام وعنـان قلت: ارحبي مليون تضـرب بمليـون اقولهـا مليـون مـن قلـب ولسـان قلت: ارحبي في العين ..ولحافك جفون وظلالك من الشمس باهداب الاعيـان ياعيـن حـر ٍ بالمطاليـع مفـتـون حر ٍ شـراه مولّـع الصيـد طربـان  |
|
23-03-2008
| [2] |
| •● مــون رايق ●• 
|  رد : من غلط في رقمي ..لقى الردّ غلطـان.... يسلموووو كتير اخي يديك الصحه ولعاافيه على موضوعك الفرنااايس تحياتي |
| |
|
23-03-2008
| [3] |
| || كبار الشخصيات ||
|  رد : من غلط في رقمي ..لقى الردّ غلطـان.... المشكله..بنـات حــوّا مايسـلـون |
| |
|
24-03-2008
| [4] |
| •● مــــون رائــع ●•
| رد : من غلط في رقمي ..لقى الردّ غلطـان.... مشكووووووووووووووووووور يالغالي من جد ابيات رااائعه تسلم يدينك |
| |
|
| مواقع النشر (المفضلة) |
| الكلمات الدلالية (Tags) |
| من, لقى, الردّ, رقمي, غلط, غلطـان, في |
| أدوات الموضوع | إبحث في الموضوع |
| انواع عرض الموضوع | |
| |
|
|
العرض العادي
