الجزء الثاني :
اما الحين بعد ماسرحتوا بخيالكم معاي وشفتوا وش صار لأضوا اللي كانت في كامل انسجامها تمشي تتأمل جوالها وتغني بصوتها الجذاب اللي يلفت الانتباه ويسحر العقول ...
بعد مارفعت راسها وشافت الشاب اللي واقف قدامها يتأمل جمالها صرخت مرتاعه ورمت جوالها اللي طاح عند جزمة سعود وتكسر قطعه قطعه ..
ركضت اضوا للمطبخ لأن كان اقرب شي من جهة المسبح دخلت المطبخ وهي تقول ياويلي ياربي وش هذا اللي صار منهو ...منهو مين هذا اللي شافني؟ الله يستر لا يكون فهد سمع صراخي الحين وشافني الله يستر الا فجأه تمسكها بهيره من وراها
بهيره ... بو بو
اضوا... بسم الله الرحمن الرحيم خوفتيني وتحط يدها على قلبها اللي كان يدق بسرعه وبسرعه من الموقف اللي صار .
بهيره .. وش فيك ؟
اضوا ... هاه لا لا ولا شي
بهيره ... ضيو شكلك مرتاعه خير وش فيك بعدين نجلا ء تتصل عليك تقول جوالك مقفل
اضوا .. جوالي ... صح جوالي طاح اكيد تكسر
بهيره .. وين طاح
الا في دخلت ابتسام عليهم وهي تكلم بالجوال يوم شافتهم سكرت وجلست تنادي
ابتسام .. ليتا جيبي لي كاس مويه بارده
وتناظر في بنات عمتها باستحقار وتشرب المويه وهي طالعه رمت كلمه ... ترا هذا مطبخ اذا مو عارفين مو مجلس لسوالف ..
ماردوا عليها لأن بهيره ماتحب المشاكل اما اضوا كانت بعيده في عالم الشاب اللي شافته .
بعدين طلعوا عشان يتعرفون على بنات خالهم سعد اللي توهم واصلين من لندن, كان سعد عنده ثلاث بنات وثلاث اولاد الكبير سعود و احمد وبندر اما البنات ريما و ندى وبسمه
اندمجوا البنات بالسوالف ومره انبسطوا مع البنات خصوصا جود اللي صارت قريبه من بسمه ومره حبتها كانوا البنات على العيشه اللي عاشوها برا المملكه الا انهم كانوا في منتهى البساطه
انتهت العزيمه اللي قربت افراد العايله من بعضهم الا ابتسام اللي كانت مع شلتها عذاري ونوف بنات عمها ماذكرته لأنه متوفي وعايشين في بيتهم مع امهم واخوهم خالد اللي متزوج ولا يجيله عيال ...
في بيت ام فهد في غرفة اضوا ...
بهيره... هاااااااااااااااااااه ايش قلتي صدمتي في صديق فهد
اضوا ... لا لا مو كذا بس يوم قربت منه رن جواله رفعت راسي وشفته بعدين طاح جوالي وركضت للمطبخ .
بهيره .. شافك لا يكون فهد درى عنك
اضوا... لا اشوا الحمدلله
بهيره .. وش اسمه
اضوا .. وانا وش يدريني بس شكله واحد من اصدقاء فهد اللي بعيدين لأني اول مره ادري ان فهد ممكن يمشي مع شباب ستايلهم غريب شوي
بهيره.. يمكن سعود طيب ..
اضوا.. لا مااظن يوم دخلوا يسلمون على خالاتي ماشفته معهم .
بهيره .. انا جاني النوم وشكلي بنام عندك هنادي تعبانه ولا راح تشغل مكيف تصبحين على خير
اضوا.. تلاقين الخير
سرحت اضوا في خيالها اكثر واكثر وجلست تتذكر تفاصيل الحدث اللي صار شكله طوله ولبسه اللي كان في منتهى الذوق الجينز والقميص اللي دامج الوان البيج والبني الرايقه وووو لحد مانامت..
في بيت فهد ومي ...
فهد.... ههههههه الله يخليك تسلم ماتقصر بس عمي قام بالعزيمه مايحتاج بعدين حنا اهل وشفيك لا تصير حساس خلاص اللي يريحك انا ببلغ الاهل انشالله مع السلامه
مي ... مين كان يكلمك ؟
فهد... هذا خالد ولد خالي محمد يقول انه يبي يجمعنا نتعشى عندهم بالبيت عشان خالي سعد
مي .. غريبه لا عذاري ولا نوف جابوا سيره
فهد.. يمكن مااكد لهم خالد
مي .. يمكن
طلع خالد من البيت عشان يروح يسلم على امه وابوه وبالمره يقولهم عن جمعة خالد اللي بيسويها في بيته عشان عمه سعد وعياله ...
في بيت سعد السالم.....
ابو سعود....والله ياام سعود ان خواني والنعم فيهم ****هم على بعض ورغم الغربه والمسافه البعيده الا انهم مانسوني ولا قست ****هم علي بالعكس ...
ام سعود .. وحتى البنات والله ماشالله عليهم كلهم خير وبركه اطيب منهم مافيه
الا في دخلت بسمه على امها وابوها ....
بسمه... هااااااااي كيفكم
ابوسعود.. الناس يسلمون اول
بسمه .. السلام عليكم
ابو سعود.. وعليكم السلام
بسمه .. ابوي حبيبي عمري قلتلك انك احلى اب في العالم
ابوسعود.. اها اكيد تبين شي يلا قولي انا اعرفك
بسمه .. good ok dad
ابوسعود.. انا قايل يلا وش تبين خلصيني
بسمه .. dad ممكن اروح بيت عمتي ام فهد عند البنات ابي اشوفهم ..
ابوسعود .. هذا بيت اختي اكيد بقول طيب بس مين بيوديك؟
بسمه ... thanks
ابوسعود.. خلي سعود يوديك عندهم ويسلم على عمته هذا ك اليوم في المزرعه ماجلس معهم
بسمه... بروح البس الحين..
ركضت بسمه تلبس في غرفتها عشان يوديها سعود لبيت عمتهم عند البنات اللي حبتهم وارتاحت معاهم كان ودها تروح عند جود بس تعرف امها شلون عصبيه وتبي تبعد بنتها عنهم عشان كذا ماحبت تحرجهم ...
في بيت ماجد
ابتسام.. اوف عيال عمي وبناته مررررره يطفشون وماحبيتهم
جود... حرام عليك بسمه مررره تجنن وكلامها عسل والباقيين ريما وندى صغار لسه يستحون
خلود.. بنات شفتوا شلون عمتكم حصه ماجت لاهي ولا بناتها
ابتسام ... احسن فكه وابوهم اصلا متخلف كل شي عنده لا لا
جود.. الله يكون في عونهم
خلود.. وش كنتي تبين في ابوك جيتي الغرفه ؟
جود.. يمه ممكن اروح بيت عمتي ام فهد البنات بيروحون
خلود .. طبعا لا انهبلتي وش تبين فيهم بيعقدونك زيهم ذا المعقدات المتخلفات ...
جود .. الله يخليك يمه
خلود .. يلا بس انثبري وروحي على غرفتك يا متخلفه لا اوريك شلون تراني كارهتك مررررررره
ركضت جود غرفتها ودموعها تعبي عيونها وتحفر خدودها من القهر وسوء المعامله اللي تلقاها من امها واختها
وصلت بسمه مع اخوها سعود بيت ام فهد اللي كانوا مجتمعين فيه العمه حصه اللي ماجت معاهم هي وبناتها ....
ام فهد... اضوا افتحي االبااب شوفي مين واذا كانت جارتنا ام احمد دخليها المجلس
اضوا .. انشالله يمه امرك
نجلا .. خالتي استانستوا في المزرعه
ام فهد .. مو ناقصنا الا انتم ..
نجلا.. تسلمين خالتي
جلسوا يسولفون الحريم في الصاله وراحت اضوا تفتح الباب لأم احمد اللي كانت تحبها مره وترتاح لها لأنها رغم عمرها الكبير الا ان ثقافتها واسعه وتحب تجلس اضوا معاها
مسكت الكلبسه اللي بيدها ورفعت شعرها وطاحت بعض خصلاته على عيونها وعدلت بلوزتها الليمونيه مع الجينز الفاتح وراحت للباب ..
فتحت الباب الا وتشوف الانسان نفسه الي شافته في المزرعه اللي حلمت فيه طول الليالي اللي مرت ..
لمحها سعود لكنه صد عنها وتقدمت بسمه ..ضيو حبيبتي كيفك ؟
اضوا .. من معاك؟
بسمه .. سلمي اول بعدين ولا خقيتي مع الحلو اللي جابني
اضوا وحمرت خدوده وارتبكت .. اسفه مااقصد تفضلي بسمه البنات جالسين في الصاله
بسمه .. بس سعود اخوي برا ويبي يسلم على عمتي
اضوا خليه يدخل المجلس وانا بروح اناديها
بسمه وراحت تنادي سعود يدخل عشان يسلم على عمته اللي ماشافها في المزرعه
اضوا راحت تمشي تنادي امها وهي سارحه تفكر بخيالها اخيرا عرفة هوية الانسان اللي صار اسير احلامها وخيالها يطلع سعود ولد خالها
نجلا.. هي هي هي وين وصلتي
اضوا .. ايش لا لا ولا شي ايه صح يمه نسيت سـ سـ سعود يستناك في المجلس
ام فهد .. توك تتكلمين وش جاك اقول قومي ياحصه نسلم على ولد اخوي سعد وانتوا يابنات الحقونا بالقهوه
طارت اضوا ركض للمطبخ تزين القهوه وتجهز الحلا اللي كانت مسويته لحقتها نجلا عشان تفهم اللي قلب كيان اضوا
حاولت اضوا تخفي ارتباكها بس ماقدرت تخبي على نجلا اللي فاهمتها زين زين لكن دخلوا عليهم البنات بسمه وبهيره وجلسوا يسولفون وراحت بسمه تودي القهوه وترجع للبنات
كلهم بوادي واضوا كانت بوادي ثاني لكن ماخفى على نجلا اللي كانت منتبها لكل شي ..
سألت نجلا .. اضوا وين جوالك بعدين ليش مقفل
اضوا . .......
بهيره ... طاح وانكسر في المزرعه
نجلا .. ليه ماقلتيلي ؟
اضوا ....ماحصل فرصه
تعشوا البنات وسولفوا ومره انبسطت بسمه معاهم راحت بيتهم وهي توعدهم ان في زياره قريبه بينهم
وصلوها الباب ووال مافتحت بهيره الباب توصلها برا فجأه صار اللي ماتوقعته وغيررررر شي في بالها ...
هنا يننتهي الجزء الثاني وانشالله يعجبكم ترقبوا الجزء اللي بعده.............