تسولف لي عن الضيقه وانا كلي الم واحزان
وانا من وين ما ناظر بعيني شفت ضيقاتي
تسولف لي عن الضيقه وانا عنوان للحرمان
دخيك لا دخيل الجرح لا تكشف معاناتي
حبيي لا تشجعني اسولف واكسر الكتمان
تعبت من السكوت اللي تعود يسكن بذاتي
عليه الله مافيني شبر يضحك فرح واشجان
وانا لوجيت ابضحك لك اجيك اضحك بدمعاتي
حياتي شعرن شاعر وجمهوري بقايا انسان
ونقادي زمن قاسي ولا يفهم كتاباتي
اناظر للبشر حولي احد يضحك احد طربان
انا صعبن علي اضحك واسايرهم بضحكاتي
عجزت اكذب على نفسي بفرحه مابها الوان
وحزنى ماعجز عني بدا يرسم نهاياتي
طريقي صعب وجروحي كثير وداخلي ضميان
ابي لو يوم بس واحد احاول اجمع شتاتي
انا قصه تبعثرت وتطايرت بزمن خوان
تعلمت اخسر البسمه واداري عضة اشفافي
ابكتب لك بالخط العريض وبريشة الفنان
انا الخسران توقيعي انا الخسران بصماتي
اكمل لك عن الضيقه!!اكمل لك عن احزان!!
تاكد لو بكمل لك تصيح!!بتطلب اسكاتى