يـمـر الـعــيـــد تـلـو العـيــد وأنا تـايـــه وأنـا حـيـران = أســامـرهــــا نـجــوم الـلــيــل ولا أحـدٍ درايٍ فـينـي
سلـيـت بخــافـقـي والـحــظ فـجــر داخـلــي بـركـــان = تفـجــر واشـتــعــل هـمـي ولاغـيـر الـلــه معــيـنـي
ألا يـاحـظـــي العــاثـــر عـلامـــك ضعـت بالوديـان = علامـك وش طـرى قـلــي وش الـلــي زود الـبـيـنـي
نـســيــت الـلــي إذا مــاراد .. أمـــرٍ قــال كــن وكـان = ألا يالـلــــــــه يالـمـعـبـــود تـرحـم حـــال مسكـيــنــي
إلهــى انـطـفـــى جـرحـي ورجـع يشعــل بـي النيـران = ولا أدري كـيــف أداريـهـــا دمـوعٍ تـسـكـن الـعـيـنـي
تـعـبــت أداوي جـــروحٍ سـطــت فـي عــالـم الولهــان = أخـفـــيـهـــــا ولـكـــــن آهـ شــــابــت فـيـنــي سنـيـنــي
طـربــت بـضـيـقــــة الخاطر لأن الخـاطـر الهـيـمــان = إذا مايـبــتـســـم دربــــه يجـــيــــه الـضــيـــق ضعفينـي
تــزايـــــد حـــــال عــثـراتــي تـزايـــد خـافـقــي أحــزان = مــع أوجـــاعٍ علـى صــدري بكــل الوقــت تكـويــنـــي
عيونــي تضحــك لخاطرك وأخـفــي بخـاطـري ألــوان = جــروح الــروح مـاراحت جـــروحٍ دوم تـبــكـيــنــــي
ثلاث سـنـيـن مـرت بــي وأنــا يـرجــح بــي الـمـيـــزان = أشـبــهــهــــا حلـوم الـلــيـل فيهـا الـزيــــــن والـشيـنــي
وثلاث أيـــــام مرت بـي وأنــــــــا عايـش مع النسيــان = رحـمـتـــك رحـمــة الوالـــد إذا هــو حـثــــه الـديــنـــي
شكاتي يـابـعــدي طـالـت وأنـا أشـكـي من الأشـجـــان = ولـكـــن يـنــجـــلـي حــزنــــي إذا شـفــتــــك تـنـاديـنــي
حيــاتــي صغـتـهـا بقـــافـي بـلا اســم وبـلا عـنــــوان = لأن الأســـم مايـنـفـــع إذا ضــاعـت عـنــــــــاويــنـــي
لشاعر الوهم (عبد الله اليحيى)