ابتدينا في سكوت وحذر
وأنتهينا بالسهر وارتوينا
(( عاطفه ))
بعد هذاك السكوت قالت :
>> احــبك <<
مــوت .. .. مــوت
وهذي

"" كل السالفه ""
==
ماقدر افسر في خيالي معانيك
لكني تمنيت اوصل لحدود خيالك

واعرف وش اغلى ماتمناه واعطيك
ياليت السعاده دايم تصير حالك

واحلى الاماني طول عمرك تهنيك
واني اشيل هموم نفسك بدالك

==
شخص الى منه مضى لي معه يوم
اندم على ايام مضت قبل مالقاه

احتاج له لاصار في صدري هموم
ولو تنكسر ساقي تسندت يمناه

جعل المحبه بيننا دايم الدوم
هذا الحبيب اللي من الصعب ننساه

==
أدوّر للغـلا قـصـه وأدوّر للـغـرام حـلـول
عيونـك أسئلـة قلبـي وانـا لعيونـك الـقـاري
وأدوّر للوله ليله عسـى ليـل القصيـد يطـول
وأدوّر للسحـاب اللـي يسـيّـل مـيـت أنـهـاري
معك كل النظر يحـلا معـك كـل العيـون تجـول
تبين الصـدق سميتـك كـذا ( ريمـوت انظـاري )
معك كل الشعر يطرب معـك كـل الحكـي مهبـول
معك قلبي يصيح اليوم ( أحبك يا اجمـل اقـداري )

==
مسكنك روحي وقلبي
يا غلاي
والعيون افراش
وشوقي وفا
العمر غالي مادام انك
معاي
يا عطوف القلب
يا رمز الوفا
جرح روحي بعدك
( وبيدينك دواي )
اكتب ابياتي
وشعري لك دفا
انت حبي وانت
ارضي يا سماي
يشهد الله عنك قلبي
ما غفا.

==

من وجودك صار في الدنيا وجود

في حياة إللي معاك ولا لقاك
زايد فيك الغلا فوق الحدود
مايساوي بالغلا شخص سواك
أكتبه شعري عسى شعري يجود
بالحروف إللي حلاها من حلاك
كل حرف ما بلغ وصفك حسود
لعنبو قاف عجز يلحق مداك
==

ضمني ما بين رمشك والعيون
خلني انسى زماني والمكان
ضمني باحساس تكفا يا فتون
واروني من فيض حبك والحنان
في غيابك لف دنياي السكون
لا ملامح لا فرح في هالزمان
لا تروح ولا تغيب ابقى وكون
بي غرام ما استوى قبله وكان

==

عجبني طبعك وعجبتني معانيك
وخذت كل الطيب يالغالي
لا تفكر إني أجامل فيك
لا والله ويشهد ربي بحالي
عن كل البشر صرت مغليك
وفوسط القلب منزلك عالي
أحس إني معك
منك
وفيك
ما أهتم فالهناس ولا أبالي
==


.. يسعد مساك ...

ياللي المسا .. ماهو مسا

.. الا معاك ..
يسعدني حضورك ..ياباهي بنورك ..

.. وش هو شعورك ؟ ..

لو يوم التقينا ..

واحضنتنا .. رعشة .. يدينا ..؟

تونا درينا .. تونا هقينا ..

إن المسا .. ماهو مسا ..

.. الا مساك ..

==

ابي غيمك يغطيني وابي شمس وجفن زانك
وابي كفن يدفيني وشوق وشخص ينهاني
وابي قلبي انا بيدك تصونه وهو بعد صانك
وابي تنسى البشر كله وابي انسى كل من جاني
انا الصاحب انا الغالي انا اللي ابيوم ما هانك
انااللي كلمه صمته عتاب وصمتي الهاني
انا اللي عاند جروحه يخاف ابيوم حرمانك
انا اللي جفت اقلامه وطوى اوراقه وغدى فاني
انا فلان انا الواقع انا اركانك
انا اللي ابغيبتك لا جابو اسمك مت واحياني

==

اجمع احزانك وهمك والعذاب
وهلها في وسط صدري هلها
لاتخاف من الملامه والعتاب
دام انا راضي سيوفك سلها
فدوتك روح تحبك ماتهاب
تتجه للمــوت لو تشر لها
تمشي بشورك ولو شورك خراب
لعنبوا روح تعاند خلها
==

يسعد لي هالضحكـه ولانـي بمعـذور
لـو مافديتـك ياحيـاتـي بـروحـي
اسمع صداها فـي خفوقـي ومجبـور
أجيك كلّـي وأعتـرف لـك وأبوحـي
والقلب عيّـا يستمـع نصـح أو شـور
متعلّـقٍ بـك صـدق ماهـو مزوحـي
يسعد لي صوتٍ صرت به حيل مسحور
صوتٍ تطيب إليـا سمعتـه إجروحـي
عهدً عليّ أرضيك وأرضيـك بالفـور
لو جيتني زعـلان ..جيتـك سموحـي

==

انا عشقتك والملا كلهم زيف
عقلي وقلبي كلهم يعشقونك


دورت للأشواق بعض التواصيف
لقيت كل الوصف .. عاجز يصونك

متى..متى يلتم شمل المواليف
وتشوف عيني كيف تهوى عيونك

سر الغلا اللي بيننا مابعد شيف
ولااحد درى عن فتنتي في جنونك

أيه أيه احبك . لاتقولين لي .كيف..؟
مهما ابتعدنا وفيك راحن ضنونك

==

ريّح فـوادك مـابـه احـد يساويك
لا تخاف قـلـبـي ساكـن فـي ربوعـك

لاتقـول طبـعـي شـيـن وانـي بـجافـيك
والله أحـبك مـوووووووت بـاشـيـن طـبوعك

بـغـفر لك الزلـة واسامح واداريك
خايـف عـلـيك من الـزعل لايروعـك

واصنع لـك اعذار تـجـيـبك وانـا اجيـك
والـمح أثرهـا رعشـة فـي ضـلوعـك

أفديـك عـمري وارجع احياه وافـديـك
واموت مره والـف مـره لـطـوعـك

مـشتـاق احـبـك واعـشق الـحـب وادعـيـك
مـشـتاق اشوف الـحـب يـضـوي شـموعك
==

يمكن تطول غربتي سنين وسنين
وفيها عيوني ما يطولك نظرها
لكن تأكد لو تضيع العناوين
تكشف لك الدنيا وخافي قدرها
انك عزيز ومنزلك داخل العين
بين الرموش وبين صافي بصرها
==

حلمت فى صحوتي ما أدري في المنام

المهم شفتك وأرتوت عينـي

أناأتخيلك وأضمك بخيالي والأوهـآم

وأصوت عليك وألصدى يرد يجيني

أقول محلاه صوتك أنــغآم

وأصافحك يسـراى تمسك يميـني

وأجلس أنظم فيك أعذب كـلام

بأخر الهلال بــدرك يضويني

==

عندي يقين انك عن اهل الهوى غير
وانك بعيني غير كل الحبايب
لو قلت احبك صار بالهرج تقصير
وان قلت اعزك صار فيها طلايب
مرات احس انك فضا وانا الطير
ومرات انا رمضا واشوفك سحايب
==
في اشياء مستحيله وتصبح ممكنه
وفي اشياء ممكنه كيف تصبح مستحيل

وانت وصلك مستحيل وانا من امكنه
انه يعيشه حقيقه وذا اكبر دليل


لاوربي ماوصلتك بذّل ومسكنه
واصلك كلي شموخ يشابه النخيل

عاد تدري دامني جيت غيري اركنه
خابرن ثقلك وانا خابر اني للثقيل..