طريقة غريبة لتعلم النذالة ... وفي مكة كمان

18-08-2007

[align=center]اخواني واخواتي بعد التحية ..
اليكم هذا الموقف المضحك .. والمخزي في نفس الوقت ..

لا .. وغريب كمان ...

حدث هذا الموقف مع خالي ( الجداوي ابا عن جد )
مع إحدى الأشخاص من ساكني مكة المكرمة ( مكاوي من قلبه )
المهم .. والله ما تحضرني اسماء الأماكن لأن الحكاية قيد اكل عليها الزمان وشرب بس مدري ايش فكرني بيها وحبيت تضحكوا معايا

واللي يبغى يتعلم .. النذالة على اصولها يشوف ..

ذهب خالي الى مكة في يوم من الأيام..لأداء فريضة العمرة
وكان له صاحب مقيم في مكة المكرمة
ودايما يلح عليه (تعااااااال )
زورني ,,,,, يعني
وحلفه انه اول زيارة له يروحله البيت ..
المهم ..
راح خالي..
ادى العمرة ..
وفكر في صاحبه ..
دور يمين ,,,,,,
دور شمال ,,,,,,
حسب العنوان ......
طبعا الجداوي ضاع وغاص في مكة ... وزحمتها
صادفه المكاوي اللي من قلبه ...
وشافه حايس ...
طبعا خالي بإعتباره غريب
وهذا مكاوي ..
وعلى أساس اهل مكة ادرى بشعابها ..
سأله فين المكان الفلاني ( ...... ) والله ما اذكره ..
المهم
اتفتل المكاوي ووصفله ..

يمين ..... شمال ..... فوق .... تحت ...
وطب ,,,,,,,, تلاقي الحي اللي تبغاه قدامك ..
خالي : شكرا ما قصرت .

طل خالي بعينه .. لقى انه لو مشي على الوصف ..

والله ثم والله ليضيع ..

جاته الفكرة الجهنمية اللي نفسي ادري ليه من البداية ما عملها ..
انه يكلم صاحبه بالجوال..

المهم ,,,,,
اتصل ,,,,,
خالي : انا هنا في مكة .
صاحبه :: هلا بك والله نورت ... انت فين ..
خالي : واله اني ضيعت بس انا هنا ( في المكان الفلاني )
صاحبه : بس خليك انت وصلت دحين انزلك .
يضرب بعينه خالي الا والصاحب نازلة من عمارة تبعد قليل عن مكانه
خالي طبعا انقهر والدم يغلي بعروقه ,,

ضرب مرة تانية بعينه لقى الرجال المكاوي اللي من قلبه ..

قاله : انت تعال هنا ..

المكاوي : نعم .
خالي : كبف اقولك فين المكان الفلاني توصفلي وصف يضيعني .
المكاوي :
هههههههههههههههها والله شفتك من اهل جدة قلت اوزعك ..
المكاوي

الجداوي

خالي يعني )

الراوي : والله خالي مدري كيف مسك نفسه ... كان لطشه واللا مدري ايش كان عمل ..

بدون عنصريات ... هذا فقط للضحك ... ويازينهم اهل الحجاز ....

يمونو عليا كلهم .......

الله يستر من النذالة ....[/align]

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري