على مركب غياب ومـــوج يغرقني
بدت قصة عذاب اليــــــوم بحكيها

بحر مظلم لوســـط القاع يجذبني
وخوف النفس مــن غـــدره وتاليها

تمنيت الامل على شطه يرسيني
ولقيت امــالي الخجـــــلا يرسيها

على شاطئ بحر هجران يعذبني
صدى صوت الغــــرام الي يغنيها

غرام احباب يهد الحيــــل يتعبني
وعذاب ايام من الفـــرقا يمشيها

على درب الامل كسلان يسرقني
طلاسم حلــــــــم ورديه ويخفيها

حلمت ايام من عمـــري ويطويني
صدى واهات حزن هـــناك يناديها

لزمن قاســــي يفرق بينه وبيني
وبين لحظة عمــــــر كنت انا ابيها

ابي لحظه تسوى عندي سنيني
وش العيب اذا احبـــــه ووشفيها

وابي كلمه عساها دوم تواسيني
وابي ادعي عســـى ربي يخليها

عساها كل يوماً بالغــــــلا تجيني
ومن شهد حبه نفســـــي ترويها

ولكن كيف وانا حظــــي عثر فيني
حسافه نفسي ضاعت كل امانيها

عرفت ان الزمن محــــال ينصفني
وبسمة فرحتي صعــــبه بيهديها

على دروب الشقا دايم يبــــديني
وعلى اشواك الهجر رجلي يوطيها

نزعت الشوك من رجلــــي بيديني
ولكن كيف معالم ضــــربته امحيها

عسى وقتاً مضى لا ما يدنسني
وتبقى صفحتي بيــــــضاء انقيها


بقلم اخوكم/ احمد الشمري
4/8/1428هـ