ابيات اعجبتني وحبيت انقلها لكم

غطّا الفؤااد بداخل القلـب غربـاال
آخر امل عشـت انتظـره احتمالـي

حطم عباراته علـى قسـوة جبـال
وين العذوبـه فـي جديـل الليالـي

كانت رحابتهـا مـن الجـال للجـال
من كيف كيفي غايتـي مـن منالـي

واليوم صادتني محاذيـف الاهـوال
واضحك ولي قلب ٍ من الهم سالـي

اكبر مع الدنيا علـى ضيقـة البـال
والقى الشتات اللي نطرنـي قبالـي

وش *** كحل ٍ فارق العين من سال
كسّر طموح الشوق في عين غالـي

لو تذكرين امهاجر الـود وش قـال
لاطـلال ذكـرى مزنـة ٍ فالخيالـي

مهره اصيلـه مالهـا كـود خيّـال
ولا عاش بيـت ٍ مادخلـه الظلالـي

لكن شموع النوح ماعـت للاطـلال
ومايستوى غصن ٍ عـوج للعدالـي

يغرق على شحنة معاصيري رمـال
حتى لقيـت ان الجـواب بسؤاالـي

موت المشاعر كنهـا مـوت رجـال
والموت جاني بالهوى مـن شمالـي

ايشدني له من هـل الكيـف فنجـال
مـن وارد البغـداد صفـر الدلالـي

واطرب لها لا نـادوا الشـام مـوال
وغنا العراقـي بيـن لالـي ولالـي

احس نبضي وقتها ضـرب زلـزال
وبركان صدري زاد فيـه اشتعالـي

قاموس اسطـوره محبـه والابطـال
ان الصراحه عاليـه عنـد عااالـي

ماجيت انا هيكل على لبسـة عقـال
لكـن ثقيـل الحـب هـد الرجاالـي

مازادني لـو قالـوا النـاس رجـال
ولا ينقّصـنـي كــلام العيـااالـي

فرقت بين السيـن والعيـن والـدال
وماعمت في بحر ٍ من الدر خااالـي

جيت ابحنان الشوق والشـوق لازال
فيني نهر يجـري قـراح ٍ زلاالـي

لكن صحيح الوقـت مـرات ميـال
واللي جرا لك في المحبه جـرا لـي

طول الصبر يقطع من حبالي حبـال
بس الغريب اللي جرحني مضى لـي