انا جايب لكم اليوم قصه اسمها :


أنا ونفسي ولحالي بالغرفة <- - - - وش يسوي لحالة ؟؟؟؟؟


كنت قبل سنتين وبالتحديد يعني اقزاتلي قبل سنتين <- - - انا صراحة ما فهمت شي مدري عنكم انتم

كنت جالس بغرفتي لحالي وماسك ريموت التلفزيون واقلب بهالقنوات من الفضاوة


مع ان التلفزيون بالصالون مو بالغرفة بس قلت اسلي نفسي بدل الوحدة


والكل يعرف اثر الوحدة على الفرد والمجتمع والشركات المساهمة


فالوحدة فريق كبير لديه نجوم تتلألأ في سماء الكرة ********


اشوف كأني طلعت من الغرفة - - - - لحظة برجع للغرفة



ايوه وبينما كنت اقلب بهالقنوات التلفزيونية لمحت في بالي فكرة عبقرية ( احب اطمنكم انه اللمبة ماطاحت على راسي)


الفكرة هي انه ليش حنا عاقلين أو بالأحرى ليش حنا عاقلين ( ياعيني على الفرق)


فاتصلت بواحد من الشباب وطرحت عليه القضية وهل لها من حل يفيد في جعل الأمة تنعم بالرخاء والديموقراطية التبعية

فكان جوابه ......... الله يخلف على أهلك طوط طوط طوط (استنتجت من كلامه انه قفل الخط بوجهي) <- - - يموت بالإستنتاجات هالولد


طيب هل نحن فعلاً عاقلون أم كل هذا مزح (وجه واحد مبسوط من كلامه) فعلاً ساعدونن <- - - لغة عربية


اتصلت بشخص آخر لا أعرفه فقد خبصت الرقم من راسي وطرحت عليه نفس السؤال


فقال لي : انت وين الله يشفيك (وجه مو أحمر عنابي من النرفزة)

انا عارف ان نفسه يقابلني بس بدري عليه

قلت انا بالغرفة ليش بتناسبني يعني وبعدين أبوي مو موجود في الخدمة حالياً ارجوا انك تجي في وقت سابق

قال لي : عندك شباك بالغرفة ؟؟ وفي أي دور أنت ؟؟ ولو طلبت منك انك تنط من الشباك بتوافق والا لا ؟؟

قلت انا فيه شباك وانا ساكن بالدور 68 (بيكشخ على باله بالمملكة ساكن)

وبالنسبة لطلبك أنت تامر أمر وانا اخوك انط لعيونك شكلك متأثر بسوبر مان؟؟



يضحك وبشده انا والا انت اللي متأثر يا ...... (هو قال يا لوح بس ما كتبته اخاف تمسكونها علي )


وقال بما انك بتنط فاسمح لي اقولك تغير صيغة السؤال :


وتخليه : ليش الناس عاقلين ارجوا انك تستثني نفسك من هالسؤال ...... (وجه واحد مسوي فاهم)


ليه هو فيها شي انه الواحد ينط عادي يوم احدعش سبتمبر كل الناس نطوا من فوق يعني موب عاقلين هم افحمته



طوط طوط طوط طوط


الو الو الو الو يالحبيب يالأخو شكله دخل في نفق وانقطع الخط بدق ثانية


إن الهاتف المتحرك الذي طلبته مغلق أو خارج نطاق الخدمة حالياً يرجى الإتصال فيما بعد وشكراً



صرت داق على واحد برا ******** طلع لي صوت بنت<- - - - مبسوط انت ووجهك


الا فعلاً ليش الإتصالات ما يحطون صوت بنات يردون عليك اذا الجوال مغلق ملينا من الرجال بكل مكان <- - - خربها

لا صدق وين ما نروح رجال تروح الخباز رجال تروح للبنشري رجال الحلاق رجال


خلوا اللي ترد بنية عشان كل واحد يطلع له تلفونين واحد يستعمله واذا زهق دق على الثاني ويكون مسكر (هذا الطموح والا بلاش)



ما ودي ابعد عن صلب الموضوع وهو ليش الناس عاقلة ؟؟؟؟؟؟؟؟؟؟


جلست افتش بالغرفة عل وعسى الاقي حل لكن بدون جدول <---نفسي اعرف المدرس اللي نجحك بالمدرسة


وجت في بالي فكرة جهنمية ثانية - - - وبنفس المرونة استطعت أيضاً تفادي اللمبة ما تطيح علي


قلت يا وليد ليش ماتروح لدكتور نفساني .. ..<- - - لحظة تفكير وتأمل (وصورة وجه جالس بحفرة يعني يفكر بعمق)


قلت دكتور نفساني؟؟ <-- - طيب وسمعتي بين العربان ؟؟؟؟ (من زين هالسمعة)

مقضي حياتك بين العنابر واغلبها انفرادي بعد وتقول سمعة

انا الى الآن لم أجد حل لهذه المعضلة <- - - صح يالعضلات خخخخخخخخخ


ولكن لابد من يوم تظهر فيه الحقائق وتنكشف للجميع




واعذروني على الإطالة






ما يستفاد من هالخرابيط اللي فوق :





1- لاتمشون بالشارع ليلاً وانتم حفيانين عشان ما تكويكم الشمس وتجلسون تصيحون تراني مالي دخل وقد اكثر من سنتر .


2- اذا حسيتوا وانتم تقرون هالخرابيط انكم تأثرتوا فانتم عندكم مشاكل ولازم تراجعون الطبيب بأسرع وقت .


3- اسمعوا كلام ماما وبابا وروحوا للحمام (اعزكم الله) قبل النوم <- - - اسألوا مجرب


4- حنا عاقلين لأننا ننعم بنعمة الإسلام ونزيد عقلاً عندما نحافظ على هذه النعمة ونتمسك بها .


5- مافيه شي روحوا للي بعده ..


6- الفائدة رقم 4 تمت سرقتها من المنتدى الإسلامي



<-----ماشاء الله علي مازلت نفس الحماااااااااااااااااااااااااس





سي يو